Eldur í Hún | Miðvikudagur
Nýr dag á Eldinum. Gærdagurinn gekk vel. Sérstaklega var góð stemning og þátttaka í pílumótinu. Fólki á svæðinu er að fjölga og er búist við rúmlega 1000 manns um helgina. Miðasala á böllin á föstudag og laugardag er lífleg að sögn Birgis Þórs, eins af aðstandendum hátíðarinnar.
Dagskrá dagsins hefst á FIFA-móti í Félagsmiðstöðinni Órion kl. 13:00. Það er áætlað að mótið taki cirka tvo klukkutíma. Tveir í liði og skráningar hér. Og já, mótið er ókeypis.
Þegar FIFA-mótinu lýkur hefst einmitt sýning Brúðubílsins. Þetta frábæra brúðuleikhús sem hefur glatt börn og fjölskyldur í áratugi. Brúðubíllinn verður við Félagsheimilið á Hvammstanga kl. 15:00. Ókeypis líka hér.
Hið stórskemmtilega fjölskyldutónlistarbingó tekur svo við í Félagsheimilinu á Hvammstanga kl. 17:00. Svipað og venjulegt bingó, nema bara – jú tónlist er aðalmálið. Enn og aftur ókeypis viðburður.
Deginum „slútta“ svo Patti og Baldvin með pubquiz-i með tilheyrandi stemningu. Það verður í Félagsheimilinu á Hvammstanga og hefst kl. 21:00. Og jú, ókeypis. Það er hins vegar 18 ára aldurstakmark – enda er Eldsbarinn á staðnum.
Svo eru náttúrulega allskonar tilboð og uppákomur í sveitarfélaginu – sem við mælum með að kíkja á. Saunasetrið er með ýmsa gusutíma, Sjávarborg og Hlaðan með Happy Hour, Nytjamarkaður Gæranna með opnanir og fleira og fleira.
Það má lesa allt um hátiðina á stórgóðri heimasíðu. Eldurihun.is /hmj
Fleiri fréttir
-
Fjölbreyttar sundlaugar í Skagafirði
feykir.is Skagafjörður, Mannlíf, Lokað efni 22.07.2026 kl. 15.45Miklar breytingar hafa verið á sundlaug Sauðárkróks undanfarin ár. Heitu pottarnir og nýja laugin hafa opnað en enn er beðið eftir lauginni sjálfri. En það er víðar sem hægt er að skella sér í sund, því sundlaugarnar í Skagafirði bjóða upp á fjölbreytta og skemmtilega möguleika fyrir bæði heimamenn og gesti.Meira -
Á Fram Atwork - Skagastrandarhlaupið heppnaðist með glæsibrag
feykir.is Austur-Húnavatnssýsla, Íþróttir, Mannlíf, Lokað efni 22.07.2026 kl. 13.13Mikil stemning var á Skagaströnd sl. laugardag þegar fyrsta Á Fram Atwork-Skagastrandarhlaupið fór fram. Fínasta veður tók á móti hlaupurunum og alls skráðu sig um 70 manns í hlaupið. Skipuleggjendur stefna að því að gera hlaupið að árlegum viðburði en það fór fram á vegum UMF Fram á Skagaströnd og fyrirtækisins Atwork sem er með starfsstöð á Skagaströnd.Meira -
Úlfur Úlfur og fleira góðgæti á Unglingalandsmóti
feykir.is Skagafjörður, Íþróttir, Mannlíf 22.07.2026 kl. 09.30Dagskrá Unglingalandsmóts UMFÍ á Sauðárkróki er fjölbreytt eins og alltaf. Alla helgina verður keppt í fjölmörgum íþróttagreinum ásamt því að þátttakendur fá tækifæri til að prófa og kynnast nýjum greinum. Auk þess er spennandi skemmti- og afþreyingardagskrá á hverjum degi. Á kvöldin verða tónleikar og fjör fyrir alla fjölskylduna.Meira -
Karlakórinn Heimir ætlar að bræða liðið á Bræðslunni
feykir.is Skagafjörður, Listir og menning, Lokað efni 21.07.2026 kl. 15.20Heimismenn eru í óða önn að búa sig undir að bruna alla leið á Borgarfjörð eystri en þar ætla þeir að taka þátt í hinni árlegu hátíð Bræðslunni. Áskell Heiðar Ásgeirsson, Borgfirðingurinn marghami sem býr á Sauðárkróki er einn af aðal skipuleggjendum hátíðarinnar. Tónleikarnir bera yfirskriftina „Fyrir afa.”Meira
