Fréttatilkynning frá lögreglunni á Norðurlandi vestra !!
Við hefðbundið umferðareftirlit sl. fimmtudagskvöld stöðvaði lögreglan á Norðurlandi vestra bifreið á suðurleið vegna gruns um of hraðan akstur. Í bifreiðinni voru þrír erlendir ríkisborgarar. Ökumaður bifreiðarinnar framvísaði ökuskírteini en ekki var unnt að bera kennsl á aðra í bifreiðinni á vettvangi þar sem þeir kváðust ekki vera með skilríki meðferðis. Við nánari athugun kom í ljós að aðilarnir höfðu ítrekað komið við sögu lögreglunnar undanfarnar vikur m.a. vegna dvalarleyfa og gruns um þjófnaði. Fólkið var því handtekið og bifreiðin færð á lögreglustöðina á Blönduósi þar sem framkvæmd var leit. Í ljós kom talsvert magn af ætluðu þýfi, peningar, skartgripir og ýmsir hlutir.
Á lögreglustöð var þeim handteknu birt ákvörðun Útlendingastofnunar þess efnis að þau skuli sæta brottvísun og 7 ára endurkomubanni til Íslands. Þá lagði lögreglustjórinn á Norðurlandi vestra fram kröfu til Héraðsdóms Norðurlands vestra um gæsluvarðhald yfir tilgreindum aðilum þar til að hægt væri að flytja fólkið til heimalands síns. Krafa lögreglustjóra var samþykkt og kvað héraðsdómur upp úrskurð þess efnis að umræddir aðilar skyldu sæta gæsluvarðhaldi í allt að þrjár vikur. Landsréttur staðfesti úrskurð héraðsdóms í dag þann 18. ágúst 2026, með þeirri breytingu að aðilum skuli gert að sæta gæslu í tvær vikur í stað þriggja.
Facebook lögreglan á Norðurlandi-vestra.
Fleiri fréttir
-
Skólaárið að byrja | FNV fer í gang á morgun
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 18.08.2026 kl. 12.50Nýnemar í Fjölbrautarskóla Norðurlands vestra mættu til leiks í morgun á nýnemakynningu sem stendur yfir en skólinn verður svo settur á morgun.Meira -
Algjör skyndiákvörðun að skella sér á Unglingalandsmótið
feykir.is Skagafjörður, Austur-Húnavatnssýsla, Íþróttir, Mannlíf, Lokað efni 18.08.2026 kl. 12.29Það komu margir góðir gestir á Krókinn til að taka þátt í Unglingalandsmótinu um verslunarmannahelgina. Fjórar körfuboltastúlkur í Val á aldrinum 14-15 ára ákváðu rétt áður en mótið skall á að drífa sig norður. Svo skemmtilega vildi til að þrjár þeirra eiga ættir að rekja á Krókinn. Feykir fékk Elmu Kristínu Stefánsdóttur til að svara nokkrum spurningum og við byrjuðum á að spyrja hver hún væri.Meira -
„Mig langaði ekki að fara neitt annað“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 18.08.2026 kl. 10.14Í Dalatúninu á Sauðárkróki býr Helgi Sigurjón Gíslason en hann er sonur þeirra Gísla Rúnars og Valborgar Jónínu. Helgi er yngstur sinna systkina en hann á tvær eldri systur, þær Þóreyju Elsu og Sigurlínu Erlu, og þrjá eldri bræður, þá Þorstein Elí, Guðmar Frey og Magnús Eyþór. Helgi kláraði sitt fyrsta ár í FNV núna í vor en hann hefur tekið virkan þátt í félagslífinu þar sem hann var hluti af svokallaðri Veiðinefnd, en sú nefnd var dugleg að halda viðburði utan skóla fyrir nemendur.Meira -
Umsóknarfrestur vegna Skúnaskralls hefur verið framlengdur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 18.08.2026 kl. 09.10Búið er að framlengja umsóknarfrest vegna Skúnaskralls – barnamenningarhátíðar Norðurlands vestra, en tekið verður við umsóknum til og með 24. ágúst. Eins og vonandi öllum er kunnugt mun barnamenningarhátíðin Skúnaskrall fara fram dagana 21. október til 4. nóvember 2026 undir yfirskriftinni Öll saman. Hátíðin er haldin á vegum SSNV í góðu samstarfi við sveitarfélögin á Norðurlandi vestra og er markmið hennar að börn og ungmenni á svæðinu fái að njóta fjölbreyttrar og vandaðrar menningardagskrár í sínu nærumhverfi.Meira
