Gleði og gaman á Sviðamessu
Hin árlega Sviðamessa Húsfreyjanna á Vatnsnesi var haldin í Hamarsbúð á Vatnsnesi um síðustu helgi. „Þetta var bara frábært,“ sagði Bára Garðarsdóttir, ein af húsfreyjunum, þegar Feykir hafði samband við hana og grennslaðist fyrir um hvernig til hefði tekist.
Á föstudaginn var Sigurjón Þórðarson heilbrigðisfulltrúi á Norðurlandi vestra veislustjóri en Sigurður Ingvi Björnsson og Þorvaldur Pálsson sáu um tónlist. Á laugardaginn var Bergsveinn Reynisson á Gróustöðum í Reykhólasveit veislustjóri en Skúli Einarsson á Tannstaðabakka lék á gítar og söng./KSE
Meðfylgjandi myndir tók Anna Scheving