Gult ástand og ófærð víða
Vetrarfærð er í öllum landshlutum og víða slæmt veður og margir lokaðir vegir um norðanvert landið. Gul viðvörun vegna veðurs er í gildi fyrir Vestfirði, Strandir og Norðurland vestra, Norðurland eystra, Austurland að Glettingi, Austfirði, Suðausturland og Miðhálendi. Á spásvæði Stranda og Norðurlands vestra er norðaustan hríð, 15-23 m/s og talsverð eða mikil snjókoma og skafrenningur, einkum í Skagafirði, á Tröllaskaga og á Ströndum. Takmarkað skyggni og léleg akstursskilyrði. Lægir og styttir upp í kvöld. Austlæg átt, 5-13 á morgun og stöku él á annesjum en sjókoma sunnantil annað kvöld. Frost 0 til 6 stig en 2 til 10 stig á morgun.
Vegir um Holtavörðuheiði, Vatnsskarð, Þverárfjall og Öxnadalsheiði eru lokaðir vegna veðurs og hættustig er í gildi vegna snjóflóðahættu á Siglufjarðarvegi og um Ólafsfjarðarmúla og vegir þar því lokaðir.
Vesturland
Ófært er á Svínadal og beðið með mokstur vegna veðurs. Einnig er ófært í Staðarsveit og á Útnesvegi. Vegurinn um Fróðárheiði er lokaður.
Vestfirðir
Fært er milli flestra staða í nágrenni Patreksfjarðar og milli Ísafjarðar og Bolungarvíkur en annars þungfært, þæfingsfærð eða ófært og víða beðið með mokstur.
Þröskuldar
Vegurinn er lokaður vegna ófærðar og veðurs og verður staðan endurmetin síðar í dag.
Súgandafjörður
Það er versnandi veður í Súgandafirði og var mokstri hætt kl 14.00.
Gemlufallsheiði
Vegurinn er ófær og ekki líklegt að verði hægt að opna í dag.
Flateyrarvegur
Vegurinn er lokaður og mokstur í bið vegna veðurs.
Súðavíkurhlíð
Óvissustig er í gildi vegna snjóflóðahættu.
Steingrímsfjarðarheiði
Vegurinn er lokaður vegna ófærðar og veðurs og verður staðan endurmetin síðar í dag.
Norðausturland
Mikið ófært, slæmt veður og víðast hvar beðið með mokstur. Flestir vegir eru ófærir í Eyjafirði og beðið með mokstur. Snjóflóðahætta er í Dalsmynni.
Mývatnsöræfi
Vegurinn um Mývatns- og Möðrudalsöræfi er lokaður vegna veðurs.
Austurland
Víða þungfært eða þæfingsfærð en ófært í Hróarstungu og á Vatnsskarði eystra. Snjókoma er á Héraði.
Fjarðarheiði
Vegurinn er lokaður vegna veðurs og ófærðar.
Suðurland
Þungfært er á Grafningsvegi, Rangárvallavegi og Þingskálavegi og þæfingsfærð á hluta af Þingvallavegi.
Fleiri fréttir
-
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.