Heitavatnslaust í dag á Hvammstanga, Laugarbakka, Miðfirði og Víðidal

Borhola Laugarbakka. Mynd:hunathing.is
Borhola Laugarbakka. Mynd:hunathing.is

Heitavatnslaust verður í dag mánudaginn 13. júlí á Hvammstanga, Laugarbakka, Miðfirði og Víðidal þar sem verið er að skipta um dælu í borholu og gera breytingar á dælustöð á Laugarbakka. Lokað verður fyrir vatnið um kl 15 og verður lokað í nokkrar klukkustundir, jafnvel fram eftir kvöldi.

Á vef Húnaþings má sjá ábendingar til húsráðenda vegna þjónusturofs á hitaveitu.

  1. Hafa þarf í huga að loft getur komist á kerfið þegar vatni er hleypt á að nýju með viðeigandi óhljóðum. 
  2. Húsráðendum er bent á að við viðgerðir kunna óhreinindi að fara af stað í lögnum þegar vatni er hleypt á. Því er nauðsynlegt að skola kerfið vel út með því að láta vatn renna um stund. Best er að útskolun fari fram sem næst inntaksstað sé þess kostur.
  3. Sé húsráðandi í vafa um hvernig bregðast á við skal undantekningalaust haft samband við pípulagningameistara.

Beðist er velvirðingar á þeim óþægindum sem þessu kann að fylgja.

/SHV

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir