Kalt í vikunni en spáð hlýrra veðri um helgina
Kuldaboli baular á Norðurlandi vestra þessa dagana og heldur því áfram megnið af vikunni samkvæmt veðurspá Veðurstofunnar. Eitthvað hríðaði í nótt á svæðinu og þar sem flestallir eru væntanlega með farartæki sín á sumardekkjum er rétt að benda á að hálka eða hálkublettir eru á Þverárfjallsvegi, Vatnsskarði, Siglufjarðarvegi og á Öxnadalsheiði. Snjór var í Fljótum og inn til sveita. Hiti í byggð er nú víðast rétt ofan frostmarks og ekki gert ráð fyrir að hiti hækki í dag en reikna má með rigningu eða slyddu af og til.
Heldur hlýrra veðri er spáð á morgun, hægri suðlægri átt og um 5 stiga hita og minni úrkomu. Hætt er þó við því að frost verði á heiðum. Næstu daga á eftir færist hitastigið enn nær frostmarkinu enda vægur vindur að norðan í spánum. Þessum vetrartöktum haustsins lýkur með smá frostsprengju aðfaranótt föstudags þegar hitastigið gæti farið í -10 gráður. Veðurstofan gerir ráð fyrir að það hlýni eftir því sem líður á föstudaginn og sunnanátt verði ríkjandi um helgina og hitinn geti nálgast 10 gráðurnar. Semsagt syngjandi sveifla á hitamælunum en auðvitað er ekki gott að fullyrða um hvort spáin rætist.
Veðrið um liðna helgi var ekki til að hrópa húrra yfir og sérstaklega var laugardagurinn gangnamönnum strembinn. Á Staðarfjöllum var bálhvasst framan af degi og ekki bætti úr skák þegar það fór að hellirigna með smá dassi af éljum. Hrossinn vildu helst snúa höm í veðrið og bíða storminn af sér en allt gekk þó upp að lokum og hestar og menn skiluðu sér í endamark.
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.