Mikill fjöldi svikasímtala erlendis frá sl. daga
Undanfarna sólarhringa hafa þúsundir svikasímtala borist til símnotenda hér landi frá erlendum símanúmerum og sendi Fjarskiptastofa frá sér tilkynningu hvað varðar þetta efni og segir að símanúmerin sem birtast á símum notenda bera með sér að þau komi frá Lúxemborg og Sri Lanka. Númerin sem um ræðir byrja á +352 og +94. Þar sem hér er um svikasímtöl að ræða, framkvæmd með upphringivélum, geta símanúmerin verið skálduð og algjörlega ótengd þessum löndum.
Tilgangur þeirra sem standa fyrir þessum svikasímtölum er að fá notendur til að svara eða hringja til baka í það númer sem birtist þegar hringt var. Ef notendur hringja til baka myndast greiðsluskylda fyrir símtalið og sá möguleiki fyrir hendi að þeir sem standa að baki svikunum nái til sín fjármunum. Ef símtalinu er svarað gætu notendur lent í annars konar svikum.
Vegna þessa mikla fjölda svikasímtala sem borist hafa núna í febrúar hafa íslensk fjarskiptafyrirtæki brugðist við til að verja notendur sína fyrir svikunum eins og hægt er, en erfitt getur reynst að tryggja það fullkomlega að slík símtöl berist ekki til notenda.
Fjarskiptastofa vill koma því á framfæri við símnotendur að svara aldrei símtölum sem þeim berast úr númerum sem þeir kannast ekki við né hringja til baka í slík númer. Notendum er beint á að tilkynna mál af þessu tagi til fjarskiptafyrirtækis síns og eftir atvikum fá leiðbeiningar um hvað unnt er að gera.
Þá bendir Fjarskiptastofa á að aðgæsla símnotenda er helsta vopnið gegn þessari svikastarfsemi.
Fleiri fréttir
-
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira -
„Þau eru ein af ástæðum þess að það er gott að búa í Skagafirði“
feykir.is Skagafjörður, Listir og menning, Mannlíf 28.04.2024 kl. 20.02Við setningu Sæluvikunnar í dag voru afhent Samfélagsverðlaun Skagafjarðar 2024 en verðlaunin eru þakklætisvottur samfélagsins til einstaklinga, fyrirtækja stofnana eða félagasamtaka sem þykja hafa staðið sig vel í eða efla skagfirskt samfélag. Að þessu sinni voru það hjónin Ragnheiður Ásta Jóhannsdóttir og Árni Björn Björnsson, oft kenndur við Hard Wok Café, sem hlutu viðurkenninguna.Meira -
Frumsýningu á Litlu hryllingsbúðinni frestað
feykir.is Skagafjörður, Listir og menning 28.04.2024 kl. 19.02Það var mikil eftirvænting eftir frumsýningu Leikfélags Sauðárkróks á Litlu hryllingsbúðinni í leikstjórn Valgeirs Skagfjörð. Frumsýna átti að hefjast kl. 20 í kvöld en eins og alltaf getur gerst þá komu upp veikindi í leikarahópnum og því hefur þurft að fresta sýningu. Samkvæmt upplýsingum Feykis verður staðan tekin að nýju á þriðjudag og þá kemur í ljós hvort hægt verið að frumsýna á miðvikudag.Meira -
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira -
Ostapasta og hvítlauksbrauð
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 28.04.2024 kl. 13.00Matgæðingar vikunnar í tbl 23, 2023, voru þau Saga Sjöfn Ragnarsdóttir og Sigurður Birkir Gunnarsson. Þau eru bæði fædd á Sauðárkróki og búa þar með dætrum sínum, Bríeti Sunnu (4 ára) og Heklu Björt (1 ½ árs) ásamt kettinum T-800. Saga flutti með mömmu sinni, Evu Árna, til Vestmannaeyja árið 2000 en kom aftur á Krókinn 2007 og hefur sama og ekkert yfirgefið bæinn síðan. Siggi, sem hefur alltaf búið á Króknum að frátöldum tveim vetrum í háskólanum fyrir sunnan, bauð skvís í partý og hafa þau eytt flestum sínum dögum saman síðan 2013.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.