Nóg framundan í boltanum
Nú er um að gera fyrir knattspyrnuáhugamenn að skella sér á völlinn, því framundan eru þrír leikir einn í kvöld og tveir á morgun.
Í kvöld fer fram leikur Tindastóls og Völsungs í 2. deild karla á Sauðárkróksvelli. Leikurinn byrjar klukkan 19:15, Tindastóll situr á botninum með eitt stig þannig að það er mikilvægt að ná stigi úr þessum leik helst þrjú stig annars verður þetta virkilega erfitt fyrir þá að halda sér uppi. Völsungur er hinsvegar í fimmta sæti með þrettán stig og eru aðeins fimm stigum frá toppsætinu.
Annað kvöld fer kvennalið Tindastóls suður og leikur við KR á Meistaravöllum í átta liða úrslitum Mjólkurbikarsins. Þetta er krefjandi verkefni fyrir Tindastól en þær eru í fjórða sæti með níu stig í Inkasso deildinni. KR er í neðsta sæti Pepsi Max deildinni með fjögur stig en náðu samt í stig á móti sterku Þór/KA liði í síðustu umferð. Leikurinn byrjar klukkan 18:00 og verður leikinn eins og áður segir á Meistaravöllum í Vesturbænum.
Klukkan 19:00 annað kvöld fær Kormákur/Hvöt (K/H) lið Úlfana í heimsókn á Blönduósvelli. (K/H) er í fimmta sæti deildarinnar með ellefu stig en Úlfarnir í því þriðja með tólf stig með sigri (K/H) manna geta þeir komist í þriðja sæti deildarinnar en með tapi þá gætu þeir verið að missa af toppbaráttunni í deildinni.
Feykir hvetur alla til að kíkja á völlinn og styðja við liðin.
/EÍG
Fleiri fréttir
-
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.