Þrír stærðfræðisnillingar í FNV fá viðurkenningu
Nú í morgun afhenti Jón F Hjartarson skólameistari FNV þremur nemendum skólans viðurkenningu fyrir frammistöðu þeirra í stærðfræðikeppni framhaldsskólanema sem haldin var nýlega.
Það voru þeir Hannes Geir Árdal Tómasson, Tómas Ingi Úlfarsson og Óskar Bjarki Helgason sem allir eru á Náttúrufræðibraut FNV sem náðu þessum frábæra árangri.
Skólameistari afhenti þeim bók að gjöf, Síðasta setning Fermats sem Hið íslenska bókmenntafélag gaf út. Viðstaddir afhendinguna voru stærðfræðikennararnir Grétar Karlsson, Björn Friðrik Björnsson, Ásgeir Aðalsteinsson og Kristján Halldórsson og til gamans má geta að Jón F kenndi lengi stærðfræði við FNV ásamt því að stjórna skólanum.
Nú tekur við þjálfun kappanna þriggja fram að úrslitakeppninni sem fram fer á vorönn. Þeir nemendur FNV, sem hafa tekið þátt í keppninni undanfarin ár, hafa staðið sig vel og athygli vekur hve oft þeir hafa verið í hópi efstu nemenda. Að þessu sinni voru fjórir nemendur af Norðurlandi sem komust áfram, þrír úr FNV og einn frá Menntaskólanum á Akureyri og sýnir þessi árangur að Norðurland vestra á hér framúrskarandi skóla með frábæru starfsliði og nemendum.
Þess má geta að þeir Hannes Geir, Tómas Ingi og Óskar Bjarki tóku allir þátt í stærðfræðikeppni 9. bekkinga sem FNV hefur staðið fyrir frá 1998 og stóðu sig með miklum ágætum.
Í lokin má til gamans geta að tveir kennarar FNV voru í landsliði Íslands á fyrri árum, Grétar Karlsson í stærðfræði og Kristján Halldórsson í eðlisfræði.
Fleiri fréttir
-
Laufey ráðin í stöðu aðstoðarskólameistara við FNV
feykir.is Skagafjörður, Mannlíf, Lokað efni 18.07.2025 kl. 13.56Laufey Leifsdóttir hefur verið ráðin í stöðu aðstoðarskólameistara við Fjölbrautaskóla Norðurlands vestra og tekur til starfa þann 1. ágúst næstkomandi.Meira -
Körfuknattleiksdeild Tindastóls er iðin við kolann
feykir.is Skagafjörður, Íþróttir, Lokað efni 18.07.2025 kl. 11.55Í nýrri tilkynningu segir: „Tindastóll styrkir kvennaliðið. Körfuknattleiksdeild Tindastóls hefur samið við Oceane Konkou, fransk-kanadískan framherja. Martin þjálfari segir Oceane vera þekkta fyrir hraða, varnarleik og að vera góð þriggja stiga skytta, eiginleika sem munu styrkja liðið verulega fyrir komandi tímabil. „Hún er að spila í Ástralíu núna og stendur sig mjög vel, við hlökkum mikið til að fá hana til liðsins“Meira -
HÚNAVAKA : „Það verður fullt hús hjá okkur hjónunum“
feykir.is Austur-Húnavatnssýsla, Mannlíf 18.07.2025 kl. 11.04Það er víst ótrúlega oft hægt að plata Auðun Sigurðsson í að gera hitt og þetta. Því plataði Feykir hann til að svara örfáum spurningum um Húnavökuna. „Ég bý á Blönduósi og hef gert það lungan úr mínu lífi. Þessa dagana er ég einna helst að sinna minni vinnu, ditta að heima hjá mér og leika golf í frístundum,“ segir þessi fyrrum markvörður Hvatar í fótboltanum.Meira -
Fimmtán íbúðir bætast við á Hvammstanga
feykir.is Vestur-Húnavatnssýsla, Lokað efni 18.07.2025 kl. 09.31Byggðarráð Húnaþings vestra tók þann 7. júlí fyrir umsókn um byggingarleyfi fyrir tveggja hæða fjölbýlishús að Norðurbraut 15 á Hvammstanga. Húsið er fyrirhugað með samtals 10 íbúðum, fimm á hvorri hæð. Að sögn Unnar Valborgar Hilmarsdóttur sveitarstjóra í Húnaþingi vestra eru að fara í gang tvö verkefni í tengslum við húsnæðisuppbyggingu á Hvammstanga.Meira -
Hugmyndir um styttingu þjóðvegar 1 enn á sveimi
feykir.is Skagafjörður, Austur-Húnavatnssýsla, Lokað efni 18.07.2025 kl. 09.15Á fundi byggðarráðs Skagafjarðar þann 16.7 var m.a. lagt fram bréf frá Samgöngufélaginu, dags. 7.7. 2025, stílað á Vegagerðina og sveitarfélögin Skagafjörð og Húnabyggð, þar sem ýmsum spurningum er beint að Vegagerðinni og jafnframt óskað eftir að sveitarfélögin Húnabyggð og Skagafjörður geri ráð fyrir styttingu þjóðvegs 1 um svokallaða Húnavallaleið í Húnabyggð og Vindheimaleið í Skagafirði. Byggðarráð samþykkir samhljóða að hafna hugmyndum um styttingu þjóðvegar 1 framhjá Varmahlíð.Meira
