Viltu njóta fræðslu í öflugu félagi?
U3A eða háskóli þriðja æviskeiðsins eru alþjóðleg samtök fólks sem komið er yfir miðjan aldur eða 50+. Samtökin eru aðili að alþjóðlegri hreyfingu U3A sem er til í 30-40 löndum víða um heim með hundruðum þúsunda meðlima. Áhersla er á virkni og fræðslu til að viðhalda og efla andlega og líkamlega heilsu. Engin skilyrði eru fyrir þátttöku og engin próf eru tekin.
Starfsemi U3A Reykjavík
Starfið fer fram með námskeiðum, fyrirlestrum, hópastarfi, kynnisferðum og ferðalögum innan lands og utan. Sem dæmi má nefna að haldið var námskeið um Indland og síðan fór hópur U3A félaga í ferðalag þangað, Einnig fór hópur félagsmanna í heimsókn til Prag vorið 2019 og tók síðan á móti hópi þaðan um haustið. Árið 2019 var farið í ferð um Breiðafjörðinn og sl. haust í heimsókn í Reykholt. Ferðalög hafa annars legið niðri árið 2020 vegna faraldurs. Þrjú viðamikil Evrópusamstarfsverkefni hafa verið unnin í samstarfi við önnur Evrópulönd, Vöruhús tækifæranna og Leiðir að menningararfinum eru dæmi um verkefni sprottin af þeim.
Fræðslufyrirlestrar í streymi
Kjarni starfseminnar eru vikulegir fræðslufyrirlestrar um fjölbreytt efni og síðan í haust er þeim streymt til félagsmanna. Þetta var í upphafi gert vegna samkomutakmarkana í heimsfaraldrinum en fyrirhugað er að halda áfram að streyma fyrirlestrum jafnframt því sem gestir geta verið í sal. Þetta gefur fólki utan höfuðborgarsvæðisins tækifæri til að gerast félagar og taka þátt í starfinu óháð búsetu. Nýlega var Kristinn R. Ólafsson, fréttaritari með fyrirlestur um sögu Spánar og Ragnar Axelsson með fyrirlestur um Hetjur norðurslóða. Einnig má nefna fyrirlestur um mikilvægi svefns, um jafnvægisþjálfun og um Boris, Bretland og Brexit.
Auðvelt að gerast félagi
Á heimasíðu U3A Reykjavík u3a.is er auðvelt að skrá sig og gerast félagi. Félagsgjöldum er stillt í hóf og eru þau nú 2.000.- kr. á ári. Fræðslufundir og aðrir viðburðir eru auglýstir á heimasíðunni og með tölvupósti til félagsmanna. Félagsmenn þurfa ekki að skrá sig á streymisfundi, þeir fá senda vefslóð á fundinn með nokkurra daga fyrirvara.
/Fréttatilkynning
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.