V-Húnavatnssýsla

Næsta skólaár verður boðið upp á svæðisleiðsögunám á Norðurlandi vestra, ef nægur áhugi reynist fyrir hendi. Verða þá 20 ár síðan síðast var boðið upp á námið á þessu svæði.

Ég heiti Rúnar Gíslason og ég er með ólæknandi áhuga á samfélagsmálum. Einmitt þess vegna hef ég ákveðið að gefa kost á mér í 1.-3. sæti á lista Vinstrihreyfingarinnar – græns framboðs í Norðvesturkjördæmi fyrir komandi Alþingiskosningar. Þeir sem vita að ég er bara tvítugur drengtittur úr Borgarfirði finnst það kannski svolítið djarft, verulega bratt, örlítið klikkað eða hugsanlega jafnvel verulega frekt að sækjast eftir mögulegu þingsæti, þegar væntanlega er völ á eldra og reyndara fólki í þessi hlutverk. Og kannski er þetta meira segja allt í senn, djarft, bratt, klikkað og frekt. Það er samt alls ekki meiningin og það skal ítrekað að þessi ákvörðun er tekin af góðum hug og fyrst og fremst vegna áhuga á velferð samfélagsins.

Evrópumeistaramótið í knattspyrnu lauk um helgina þegar Portúgalir hömpuðu Evrópumeistaratitlinum í fyrsta sinn. Frakkar þóttu sigurstranglegir fyrir leik og komu úrslitin mörgum á óvart, enda áttu þeir talsvert betri leik gegn Íslandi en Portúgalar. Þóra Kristín Þórarinsdóttir var stödd á á leik Íslands og Frakklands þann 3. júlí og segir stemninguna í áhorfendapöllunum hafa verið magnaða þrátt fyrir mótbyr í fyrri hálfleik.

Á Húnahorninu kemur fram að Píratar kalli nú eftir framboðum fyrir næstu Alþingiskosningar í öllum kjördæmum nema í Norðausturkjördæmi þar sem prófkjöri er lokið og listi hefur verið samþykktur.

Meistaramót GSS í eldri flokkum fór fram dagana 6.-9.júlí á Hlíðarendavelli við Sauðárkrók. Keppt var í fjölmörgum flokkum og var ljómandi góð þátttaka og stemmingin mjög góð.

Lögreglan á Norðurlandi vestra aðstoðaði eftirlitsmann frá Fiskistofu í síðustu viku við að gera upptæk laxanet. Hafði eftirlitsmaðurinn orðið var við að búið var að leggja netin við þéttbýliskjarna í umdæmi lögreglunnar. Hald var lagt á netinu og viðurkenndi eigandi þeirra brot sitt, eins og sagt er frá á Facebook síðu Lögreglunnar á Norðurlandi vestra.

Kjördæmisráð Samfylkingarinnar í Norðvesturkjördæmi boðar til kjördæmisþings fimmtudaginn 14. júlí kl. 20 til að ákveða aðferð við val á framboðslista. Fundað verður á þremur stöðum, þ.e. í Menntaskólanum í Borgarbyggð, Fræðslumiðstöð Vestfjarða á Ísafirði og Samstöðusalnum á Blönduósi í gegnum skype til að gera fólki kleift að sækja þingið í sínu nærumhverfi.

Hinn árlegi styrkur Hrossaræktar ehf. til góðgerðarmála var afhentur formlega á landsmóti hestamanna á Hólum sl. laugardag. Söfnunin hófst að venju á Stóðhestaveislunni í apríl sl. þar sem miðasala í árlegu stóðhestahappdrætti fór af stað. Þar barst að auki góður liðsstyrkur frá velgjörðarsjóðnum Aurora sem lagði til rausnarlegt framlag í minningu Einars Öders Magnússonar hestamanns.

Pálmi Ragnarsson frá Garðakoti í Skagafirði greindist fyrir nokkrum árum með krabbamein og hefur hann barist af krafti við það síðan með hjálp eiginkonu sinnar, Ásu Sigurrósu Jakobsdóttur. Hann hefur einnig þurft að berjast við kerfið því læknar vildu ekki senda Pálma í meðferð í Þýskalandi er kallast Proton geislameðferð. Blaðamaður Feykis sótti hjónin heim í Garðakot, í þann mund sem þau afhentu Krabbameinsfélagi Skagafjarðar peningagjöf í nýstofnaðan utanfararsjóð félagsins, og tók þau tali.

Þann 14. júní sl. voru 15 ár liðin frá því fyrsta fréttin var birt á vefmiðlinum Húnahornið, eða Húni.is. Óslitið síðan hafa verið sagðar fréttir af mannlífi, atvinnulífi, framkvæmdum og framförum í héraðinu, eflingu byggðar og öllu því sem gerir Húnavatnssýslu sérstaka að lifa og starfa í eða heimsækja sem ferðamaður. „Það hefur ýmislegt gengið á sl. 15 ár en ekkert svo stórt að það hafi haft áhrif á vinnuna við vefinn. Vissulega höfum við rætt það nokkrum sinnum hvort að komið væri nóg, hvort að þörfin væri fyrir hendi o.s.frv. en á meðan okkur finnst þetta svona skemmtilegt og við höfum tíma, þá höldum við áfram,“ sagði Ragnar Z, Guðjónsson, ábyrgðar- og fyrirsvarsmaður Húnahornsins, í samtali við Feyki.