21 flóttamaður væntanlegur í næsta mánuði
Íbúum Blönduósbæjar mun fjölga um 21 í næsta mánuði þegar hópur flóttamanna, fjórar fjölskyldur frá Sýrlandi, flytur til bæjarins. Um er að ræða eina fjögurra manna fjölskyldu, eina fimm manna og tvær sex manna, þar af eru 12 börn og ein 17 ára stúlka. Sagt er frá þessu á Huni.is í dag.
Eins og Feykir hefur greint frá áður samþykkti sveitarstjórn Blönduósbæjar í febrúar síðastliðnum beiðni frá félagsmálaráðuneytinu þess efnis að taka á móti hópi flóttafólks en áður hafði verið haldinn kynningarfundur með ráðuneytinu fyrir sveitarstjórnarfólk og aðra hagsmunaaðila. Síðan þá hefur staðið yfir margvíslegur undirbúningur fyrir komu hópsins. Haldinn var íbúafundur um málefnið sem liðlega 100 manns sóttu. Þar mættu fulltrúar frá Rauða krossinum og fulltrúi úr félagsmálaráðuneytinu. Farið var yfir aðdraganda og stöðu mála og íbúum kynnt hvernig staðið yrði að móttöku fólksins. Í mars stóð svo Rauði krossinn í Húnavatnssýslum fyrir fræðslufundi um menningu og sögu Sýrlands og átökin þar undanfarin ár og voru þeir sem áhuga höfðu á að gerast sjálfboðaliðar sérstaklega hvattir til að mæta. Einnig hefur Rauði krossinn haldið námskeið fyrir sjálfboðaliðana um móttöku flóttafólksins þar sem farið var nánar ofan í viðfangsefni verkefnisins.
Nú vinnur Blönduósbær að undirbúningi fyrir komu fólksins, s.s. að útvega því húsnæði, ráða verkefnastjóra og túlk. Almennt er talið að bæjarbúar á Blönduósi séu jákvæðir gagnvart því að taka á móti hópnum, að því er segir á Huni.is.
Byggðarráð Blönduósbæjar ræðir um móttöku flóttafólks
Sveitarstjórn Blönduósbæjar samþykkir móttöku flóttafólks
Reiknað með 50 manna hópi flóttafólks til Blönduóss og Hvammstanga
Fundir Rauða krossins um sögu Sýrlands í tengslum við móttöku flóttamanna
Fleiri fréttir
-
Lukkan í liði Selfyssinga þegar Kormákur/Hvöt laut í gras
feykir.is Austur-Húnavatnssýsla, Íþróttir, Vestur-Húnavatnssýsla 05.05.2024 kl. 18.30Lið Kormáks/Hvatar hóf leik í 2. deild Íslandsmótsins í knattspyrnu í gærdag en þá héldu Húnvetningar á Selfoss þar sem lið Selfoss beið þeirra. Gestirnir voru þéttir til baka og sköpuðu sér vænlegar stöður sem ekki nýttust en lið heimamanna fékk eitt gott færi og nýtti það. Lokatölur því 1-0 og nú krossa Húnvetningar fingur og treysta á að fall sé fararheill.Meira -
Allt frá sumarkaffi í Árskóla til súpermanna á hestbaki í Sæluvikunni
feykir.is Skagafjörður, Ljósmyndavefur, Listir og menning 05.05.2024 kl. 15.28Sæluvikunni lýkur í dag þó svo enn eigi eftir að frumsýna Sæluvikustykki Leikfélags Sauðárkróks af ástæðum sem ættu nú að vera flestum kunnar. Einn stærsti viðburður Sælunnar var í gærkvöldi en þá fór Tekið til kostanna fram í Svaðastaðahöllinni þar sem frábær hross og knapar létu ljós sín skína.Meira -
Keppt í tölti og flugskeiði á lokamóti Meistaradeildar KS
feykir.is Skagafjörður, Íþróttir, Hestar 05.05.2024 kl. 14.30Lokamót Meistaradeildar KS í hestaíþróttum var haldið sl. föstudagskvöld í boði Fóðurblöndunnar. Á þessu síðasta keppniskvöld deildarinnar var keppt í tölti og skeiði en kvöldið hófst á forkeppni í Tölti T1. Það voru þeir félagar, villiköttur Hrímnis-Hestkletts, Páll Bragi Hólmarsson og Vísir frá Kagaðarhóli, sem stóðu uppi sem sigurvegarar í tölti með einkunnina 8.83. Agnar Þór Magnússon og Stirnir frá Laugavöllum reyndust fremstir í flokk í flugskeiðinu.Meira -
Undirbúningur að uppsetningu á nýstárlegri gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.