A-Húnavatnssýsla

Á heimasíðu Bændablaðsins segir að nokkur breyting hafi orðið á dreifingu Bændablaðsins vegna skertrar póstþjónustu. En frá stofnun Bændablaðsins hefur það verið borið út til allra bænda landsins í gegnum fjöldreifingu þar sem pósturinn fer ómerktur á lögbýli. Íslandspóstur tilkynnti undir lok síðasta árs að þjónustu við fjöldreifingu á landsbyggðinni yrði hætt nú um síðustu áramót. Enginn sinnir því slíkri dreifingu eins og sakir standa.

Á morgun verður haldinn Ljósadagurinn í Skagafirði og eru íbúar héraðsins hvattir til að tendra kertaljós við heimili sín og minnast látinna ástvina líkt og gert hefur verið undanfarin ár. Þetta mun vera í tíunda skiptið sem þessi dagur er haldinn og er tilkomumikið að sjá fjölda logandi kerta við heimili, gangstéttir, götur og heimreiðar er skyggja tekur.

Nú er fyrsta Sjónhorn ársins komið út og í því er að finna ýmsilegt skemmtilegt. Nemendur í 8.-10. í Varmahlíðarskóla ætla að sýna á föstudaginn söngleikinn Grease, útsalan er byrjuð í Skagfirðingabúð og Sálarrannsóknarfélagið er að auglýsa dagskrána sína í janúar-mars. Þá geta félagar í Félagi eldriborgara glaðst yfir því að auglýsing um samkomur vorið 2024 er komið út og Íslenska Gámafélagið auglýsir dagskrá sorphirðu í Skagafirði ásamt því hvenær söfnun á heyrúlluplasti í dreifbýlinu verður hverju sinni út árið. Eins og sést er nóg að efni til að lesa og um að gera að skoða vefútgáfuna hér.

Meistaraflokkur Tindastóls karla í körfubolta fer suður í Blue höllina í kvöld og mætir liði Keflavíkur.

Þann 8.janúar var opnað fyrir innsendingar í Sexuna, stuttmyndakeppni fyrir nemendur í 7.bekk á landsvísu.

Nú er komið í ljós á móti hverju FNV mætir í fyrstu umferð Gettu betur sem fer fram á morgun, miðvikudaginn 10. janúar, og er það enginn annar en Menntaskólinn á Akureyri. Lið FNV skipa þau Alexander Victor Jóhannesson, Steinunn Daníella Jóhannesdóttir og Atli Steinn Stefánsson.

Á vef Héraðsbókasafns Skagafjarðar og Héraðsskjalasafns segir að til standi að halda námskeið í grúski. Námskeiðið er ætlað þeim sem vilja kynna sér uppruna sinn og umhverfi betur og grúska sér til ánægju. 

Íslandspóstur ákvað að hætta alfarið að dreifa fjölpósti við upphaf árs 2024. Fyrir fjórum árum var hætt að dreifa fjölpósti á suðvesturhorni landsins. Íbúar á því svæði urðu þó ekki varir við það enda er þar virk samkeppni um verkefnið og önnur fyrirtæki tóku að sér að dreifa fjölpósti. Það má hins vegar ætla að víða í dreifbýli og á minni þéttbýlisstöðum muni enginn grípa boltann. Því muni íbúum ekki lengur berast fjölbreytt efni sem hingað til hefur verið dreift með fjölpósti.

Á vef Skagabyggðar segir að í dag, þriðjudaginn 9. janúar, sé áætlað að aðilar frá Íslenska Gámafélaginu fari um Skagabyggð og heimsæki íbúa til þess að leiðbeina þeim varðandi flokkun á heimilisúrgangi en áramótin 22/23 tóku í gildi breytingar á lögum um meðhöndlun úrgangs. Þær breytingar fela í sér flokkun í fjóra úrgangsflokka; pappír og pappi, plast, matarleifar og blandaður úrgangur og var þessi flokkun tekin upp í Skagafirði í byrjun mars 2023 og gengið vel.

Á heimasíðunni aflafrettir.is hefur Gísli Reynisson í Reykjanesbæ tekið saman alls konar lista varðandi veiðar fyrir árið 2023 og er við hæfi að byrja á að skoða hvernig grásleppuveiðarnar voru fyrir Norðurland vestra. Á listanum eru 165 bátar en því miður þá náði enginn bátur frá þessu svæði á topp 10 listann en sá fyrsti er í 48. sæti.