A-Húnavatnssýsla

Á þingsetningarfundi Alþingis í gær var Pálma Jónssonar á Akri, fyrrv. alþingismanns og ráðherra, minnst. Það var starfsaldursforseti, Steingrímur J. Sigfússon, sem flutti en Pálmi var eini fyrrverandi alþingismaður sem látist hafði síðan Alþingi var síðast á fundum. Eftirfarandi eru minningarorðin sem flutt voru:

Á Facebooksíðu Héraðsbókasafns A-Húnvetninga segir frá því að bókasafnið sé nú komið með aðgang að Rafbókasafninu en það var opnað 30. janúar á þessu ári. Rafbókasafnið er samstarfsverkefni Landskerfis bókasafna og Borgarbókasafns Reykjavíkur. Hingað til hefur aðgangur að safninu verið takmarkaður við lánþega stærstu almenningsbókasafnana en nú er það opið öllum lánþegum almenningsbókasafna á Íslandi.

Líkt og undanfarin ár leitar Feykir til lesenda með tilnefningar um mann ársins á Norðurlandi vestra. Ingimar Pálsson á Sauðárkróki var kjörinn maður ársins fyrir árið 2016 og nú vantar einhvern til að taka við.

Um þessar mundir dvelur Mira-Liina Skyttälä, textíllistamaður frá Finnlandi, í textíllistamiðstöðinni í Kvennaskólanum á Blönduósi en hún hlaut styrk úr verkefninu Nordic-Baltic Scholarship sem Þekkingarsetrið á Blönduósi og Textílsetur Íslands standa fyrir og er hún er síðasti styrkhafi verkefnisins. Á morgun, fimmtudaginn 14. desember, heldur hún námskeið í kartöfluprentun í stúdíóinu á annarri hæð í Kvennaskólanum og verður húsið opið milli 16 og 19.

Ungmennasamband Austur-Húnvetninga útnefnir árlega íþróttamann ársins. Sambandið leitar nú eftir því hjá íbúum sýslunnar að þeir tilnefnini íþróttafólk sem náð hefur góðum árangri í sinni keppnisgrein á árinu 2017. Rétt til tilnefningar eiga þeir sem eru 16 ára á árinu og eldri og keppa á yfirstandandi eða nýloknu keppnistímabili fyrir hönd USAH eða félaga innan USAH.

Fyrir rúmum fjórum árum birti Feykir frétt þess efnis að kvikmyndaréttur bókarinnar Burial Rites eftir Hönnu Kent, þar sem sögð er sagan af Húnvetningunum Agnesi og Friðriki, hefði verið seldur og líkur væru á að stórleikkonan Jennifer Lawrence færi með aðalhlutverkið. Hlutirnir gerast oft löturhægt í kvikmyndaheimum en það hefur nú verið staðfest, fjórum árum síðar, að Jennifer Lawrence, sem nú er enn stærri stjarna en fyrir fjórum árum, fari með hlutverk Agnesar og að Luca Guadagnino, sem gerði eina bestu mynd þessa árs, Call Me By Your Name, ætli að leikstýra myndinni.

Þriðja liðið sem kynnt er til leiks er lið Hofstorfunnar en það er skipað miklu keppnisfólki sem finnst allt annað en sigur vera tap. Liðsstjóri er Elvar E. Einarsson en með honum í liði er dóttir hans Ásdís Ósk, Bjarni Jónasson, Gústaf Ásgeir Hinriksson og Lilja S. Pálmadóttir.

Á vef Matvælastofnunar er sagt frá því að stofnunin óski eftir því að ráða eftirlitsdýralækni til starfa í Norðvesturumdæmi með aðsetur á Sauðárkróki. Um fullt starf er að ræða og æskilegt að umsækjandi geti hafið störf sem fyrst.

Sálfræðisetrið hefur nú hafið starfsemi á Hvammstanga og Blönduósi. Í tilefni þess ætlar Sofia B. Krantz, sálfræðingur, að bjóða íbúum upp á fræðslufyrirlestur sem hún nefnir Jólin og streita. Fyrirlesturinn verður haldinn í safnaðarheimilinu við Hvammstangakirkju þriðjudaginn 12. desember kl. 17:00-18:00 og á Blönduósi í sal Félagsstarfs aldraðra í Hnitbjörgum fimmtudaginn 14. desember á milli kl. 18:00 og 19:00.

Aðventuhátíðir verða haldnar í mörgum kirkjum á svæðinu á morgun, sunnudaginn 10. desember. Einnig verða ljósin tendruð á jólatrénu á Blönduósi. Það verður gert að aflokinni aðventuhátíð í Blönduóskirkju, um klukkan 17:00. Sungin verða jólalög og þar sem veður og færð eru með besta móti er trúlegt að einhverjir af hinum uppátækjasömu sonum Grýlu láti sjá sig. Jólatréð sem prýða mun Blönduósbæ þessi jólin er fengið úr Gunnfríðarstaðaskógi hjá Skógræktarfélagi Austur-Húnvetninga og er 10 metra hátt sitkahvítgreni sem gróðursett var í skóginum um 1964.