A-Húnavatnssýsla

Um síðustu helgi fór fram þriðja umferð Íslandsmótsins í rallý, í Skagafirði. Sérstök verðlaun voru veitt fyrir lengsta stökkið á Mælifelssdal.

Þann 8. ágúst hefst atkvæðagreiðsla í prófkjöri Pírata í Norðvesturkjördæmi fyrir næstu þingkosningar. Frá þessu er greint á Húnahorni.

Man einhver eftir því að einhver ríkisstjórn á Íslandi hafi tekið þá pólitísku ákvörðun að viðhalda byggð á landsbyggðinni, óháð kostnaði? Man einhver eftir því að stjórnmálamenn hafi horft á allt landið sem sinn starfsvettvang og horft lengra fram í tímann en fjögur ár? Man einhver eftir því að jákvæð umræða um landsbyggðina hafi skyggt á þá neikvæðu? Það væri gaman að vita það, svona okkur öllum til fróðleiks.

Þriðja umferð í Íslandsmótinu í rallý fór fram í Skagafirði dagana 22. og 23. júlí síðastliðinn en það var Bílaklúbbur Skagafjarðar sem átti veg og vanda að henni. Keppnin, sem er árlegur viðburður, er ávallt vinsæl hjá rallýáhugafólki enda skipulag og verklag hið besta hjá Bílaklúbbnum. Í ár voru tæplega tuttugu áhafnir mættar til leiks ásamt fylgiliði en keppnin er vinsæl útileguhelgi rallýfólks. Veður og færð gerðu áhöfnum erfitt fyrir, mikið hafði rignt dagana fyrir keppni og voru vegir því sleipir auk þess sem mikil þoka takmarkaði skyggni ökumanna.

Einn af þeim málaflokkum sem ég er að takast á við þessa dagana eru byggðamál. Þrátt fyrir góðan vilja hefur ekki tekist með fullnægjandi hætti að sporna við þeim raunveruleika að sumar byggðir í landinu þurfi stanslaust að standa í baráttu við að verja sinn hlut og berjast gegn því að þjónusta minnki og að fólki fækki.

Samkvæmt nýjum tölum frá Landssambandi veiðifélaga frá 20. júlí, hafa 1492 laxar bitið á agnið það sem af er sumri. Undanfarið hefur þó hægst á laxveiðinni í Blöndu. Frá því er sagt á Húnahorninu.

Blanda er nú í þriðja sæti yfir aflahæstu laxveiðiár landsins og hefur heldur hægst á veiðinni þar, en í síðustu viku skipaði áin annað sætið á listanum. Vikuveiðin þar var 192 laxar, samkvæmt nýjustu veiðitölum á angling.is. Á sama tíma var vikuveiðin i Miðfjarðará 382 laxar.

Fyrri slætti er víðast hvað lokið á Norðurlandi vestra og hefur heyskapur almennt gengið vel, enda tíðarfar með eindæmum gott. Bændur sem Feykir hafði samband við létu vel af heyjum og tíðarfari, þó að sums staðar sé töluvert um kal. Þá lítur vel út með kornrækt og gæti þresking hafist í byrjun september.

„Ertu með þingmann í maganum? Auglýst er eftir framboðum í flokksval Samfylkingarinnar í Norðvesturkjördæmi fyrir komandi Alþingiskosningar. Frambjóðendur í flokksvalinu geta þeir verið sem eru félagar í Samfylkingunni og hafa kjörgengi í kjördæminu,“ segir í tilkynningu frá kjörstjórn Samfylkingarinnar í Norðvesturkjördæmi.

Í nýju fréttabréfi Húnavatnshrepps kemur fram að í hreppnum sé nú hafin ljósleiðaravæðing af fullum krafti. Fjórir verktakar skiluðu inn tilboðum í verkefnið í lokuðu útboði sem sveitarfélagið hélt fyrir nokkru.