Arftaki Munda :: Áskorandinn Pétur Björnsson Sauðárkróki
Það var á vormánuðum 2008 sem fjölskyldan flutti búferlum frá Flateyri til Sauðárkróks en ég hafði tekið starfi varðstjóra í lögreglunni á Sauðárkróki eftir að hafa starfað sem slíkur í lögreglunni á Ísafirði í um tíu ár.
Þetta var nú töluverð breyting fyrir mig og mína að koma úr 200 manna þorpi og flytja á Krókinn þar sem allt var til alls og Bergljót Ásta, dóttir okkar, fékk bekkjarfélaga en hún hafði verið ein í árgangi á Flateyri. Einnig tókum við strax eftir hvað menningarlífið var öflugt hér, ég byrjaði fljótlega í karlakórnum Heimi og Gógó byrjaði að tengja sig við leikfélagið á staðnum.
Vinnufélagarnir voru ekki af verri endanum og dásamleg reynsla að starfa með köllum eins og Kristjáni Óla og Guðmundi, Munda, sem marga fjöruna höfðu sopið. Það byrjaði svo sem ekkert áfallalaust að mæta á fyrstu vaktina hérna á Króknum þegar Mundi tók á móti mér og sagðist ekki ætla að taka í hönd mína þar sem að hann hafi viljað að annar maður fengi jobbið, eins og hann orðaði það, en það átti eftir að breytast því þegar Mundi gekk út af lögreglustöðinni frá sinni síðustu vakt sem lögreglumaður, tók hann í höndina á mér og sagðist líta á mig sem arftaka sinn í starfi.
Við verðum nú að láta eina löggusögu fylgja hér af Munda sem sýnir hvað hann gat verið naskur.
Lesendur kannast kannski við þegar við fengum hingað í Skagafjörðinn, fyrir nokkrum árum, ófagra sendingu frá einu af Eystrasaltslöndum, kauða sem hafði nú einhverja tengingu við mafíustarfsemi og gerði óskunda í einni verslun bæjarins með því að lesa upplýsingar af kortum viðskiptavina þannig að hægt var að taka út af þeim. Rannsókn málsins tók mikinn tíma og maðurinn var settur í farbann og einhvern veginn varð það úr að hann var sendur á sveitabæ hér innanfjarðar sem vinnumaður.
Ekki leið á löngu þar til bóndinn hafði samband við lögreglu og lét vita að hann saknaði peninga og var það töluverð upphæð sem bónda vantaði. Ég fór ásamt gamla varðstjóranum á vettvang og við ræddum við bóndann og gangsterinn og þegar hann varð tvísaga þá handtókum við gaurinn og ókum með hann af stað í handjárnum á Krókinn.
Er á lögreglustöðina var komið segir Mundi við mig að við verðum að gera líkamsleit á manninum og var ástæðan sú að Munda grunaði að maðurinn væri með eitthvað á þeim stað þar sem að sólarljósið nyti eigi við. Við fórum í málið og viti menn peningavöndull, óhugnanlega þykkur komst í sólina.
„Hann iðaði sér allt of mikið í sætinu á bílnum,“ var svar Munda þegar ég spurði hann að því hvernig hann hafi fattað þetta.
Ég skora á Sigurð Hólmar Kristjánsson að taka við pennanum.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.