Mikið af jólabókum á markaðinn frá Skagfirsku útgáfunni
Skagfirska útgáfan gefur út margar bækur núna fyrir jólin nú sem endranær. Að venju er uppistaðan sjálfsævisögur og viðtalsbækur og er af nægu að taka.
„Lengi lifir í gömlum glæðum“, endurminningar Jóns Gíslasonar fyrrverandi slökkviliðsstjóra, er áhugaverð lesning, þar sem Jón fer yfir langan feril sinn sem slökkviliðsstjóra og þar má m.a. heyra hans hlið á stóra kofabrunamálinu.
„Hann er alveg bíó“, heitir ævisaga Kristjáns Kvaran sem lengi rak bíó á Sauðárkróki, „Rúsínan í pylsuendanum“, heitir viðtalsbók Jóns Hreggviðssonar, en þar spjallar hann við Einar Ingólfsson kjötiðnaðarmann. „Áfram með smjörið“, heita æviminningar Hákonar Hákonarsonar mjólkurfræðings og að lokum er það bókin „Tók hann í bakaríið“ sem eru minningarbrot Odds Ágústssonar bakarameistara.
Að lokum er vert að minnast á nokkrar þýddar erlendar skáldsögur; „Það liggur í augum uppi“ sem heitir á frummálinu „It lies in the eyes upstairs“, í snilldarþýðingu Hauks Hróðmarssonar, „Forsætisráðherra“ eftir Charlie Johnson en á frummálinu heitir bókin „Front seat advise Sir“ í þýðingu Hauks. Þá hefur Jófríður Engilbertsdóttir þýtt þrjár skáldsögur yfir á íslensku, en það eru bækurnar „Ég kenni í brjóst um hann“ eða „I teach in breast of him“ upp á enska tungu, „Ég kem alveg af fjöllum“ eða „I come totally from mountains“ og að lokum „Ég greiði bara með reiðufé“, á ensku „I coam only with angry sheeps“.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.