Áform um álver í Skagabyggð
Kínverskir aðilar vilja skoða uppbyggingu álvers við Hafursstaði í Skagabyggð, en frétt þess efnis sem birtist á Húnahorninu í gær staðfesti Valgarður Hilmarsson, forseti sveitarstjórnar Blönduósbæjar í samtali við mbl.is í morgun.
Á á vef Húnahornsins var greint frá því að Arnar Þór Sævarsson, bæjarstjóri á Blönduósi hefði kynnt hugmyndir um uppbyggingu álvers við Hafursstaði í Skagabyggð á héraðsfundi sveitarstjórna í Austur-Húnavatnssýslu, sem haldin var 3. júní síðastliðinn í Fellsborg á Skagaströnd.
Um er að ræða heildarfjárfestingu upp á 78 milljarða króna í fyrsta áfanga. Unnið hefur verið að verkefninu frá síðasta sumri og fyrirtækið sem kæmi að slíkri uppbyggingu sé kínverska fyrirtækið NFC. Er fyrirtækið á lista yfir 500 stærstu fyrirtæki heims.
Í kynningu Arnars kom fram að um væri að ræða framleiðslu á 120 þúsund tonnum af áli sem nýtt yrði til framleiðslu á stöngum og vír. Möguleiki væri að stækka álverið um önnur 120 þúsund tonn síðar. Starfsmenn í álverinu yrðu um 240 og önnur 200 störf yrðu í þjónustustörfum tengdu álverinu.
Einnig kom fram að orkuþörfin væri áætluð um 206 MW í fyrsta áfanga, heildarfjárfesting í fyrsta áfanga væri áætluð um 78 milljarðar og útflutningstekjur væru áætlaðar um 43 milljarðar á ári.
Í máli Arnars kom enn fremur fram að bygging álvers á svæðinu myndi hafa varanleg jákvæð áhrif á þróun byggðar á Norðurlandi og að stefnt sé að því að niðurstaða liggi fyrir í lok ársins um það hvort af verkefninu verði eða ekki.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
