Undirskriftasöfnun vegna laugar komin í gang
Feykir birti í gær mánudag frétt um fyrirhugaða lokun endurhæfingarsundlaugarinnar við heilbrigðisstofnunina á Sauðárkróki. Í sögu Feykis hafa fáar fréttir fengið meiri viðbrögð. Fólki í Skagafirði er greinilega ekki sama og hafa fjölmargir velunnarar laugarinnar stigið fram og lýst yfir óánægju sinni með fyrirhugaða lokun en hún á að vera liður í sparnaði og niðurskurði vegna hallareksturs HSN.
Við eftirgrennslan blaðamanns hefur komið í ljós að notkun laugarinnar hefur sannarlega ekki verið lítil. Fjölmargir nota aðstöðuna og sérstaklega yfir vetrartímann. Sem dæmi má nefna að rúmlega 50 konur í þremur hópum eru í sundleikfimi undir leiðsögn sjúkraþjálfara tvisvar í viku. Ungbarnasund fer fram í lauginni og er mjög vinsælt. Fatlaðir og Eldri borgarar sem eiga erfitt með að nota hefðbundnar sundlaugar nota laugina af þeirri einföldu ástæðu að þeir komast ekki hjálparlaust í og upp úr venjulegri sundlaug. Mjög margir eldri borgarar sem eru í dagvistun nota laugina. Árskóli hefur nýtt laugina fyrir börn með ýmsan sértækan vanda. Samkvæmt upplýsingum frá endurhæfingunni eru á milli 70 og 80 manns að nota laugina á dag flesta daga.
Núna hafa nokkrir velunnarar sett af stað undirskriftasöfnun til að hvetja stjórnendur HSN til að endurskoða þessa ákvörðun og leita leiða til að þessi nauðsynlega þjónusta megi lifa.
Smellið hér
Greinargerð með söfnuninni: „Þann 29.12.1999 var sundlaugin vígð. Á degi hverjum eru tugir notenda sem nýta sér þessa aðstöðu undir leiðsögn sjúkraþjálfara til endurhæfingar og þjálfunar eftir, veikindi, slys eða liðskiptaaðgerðir og til forvarnar skv.læknisráði. Verði sundlauginni lokað má gera ráð fyrir að álag og biðlistar hjá sjúkraþjálfurum lengist þar sem stór hluti þeirra sem nýta þessa aðstöðu þurfi þá að leita til þeirra. Um gildi hreyfingar er almennt viðurkennt að hún, bætir bæði líkamlega og andlega heilsu, eykur lífslíkur og virkar sem öflug forvörn gegn sjúkdómum. Nú er staðreyndin sú að flestir af þeim sem nota sundlaugina hafa ekki tök á að sækja sambærilega þjónustu annarsstaðar. Það er því afar mikilvægt að sundlaugin opni sem fyrst.” Vonum það besta. /hmj
Fleiri fréttir
-
Kemst Silfrastaðakirkja heim?
feykir.is Skagafjörður, Mannlíf, Lokað efni 06.10.2026 kl. 14.00Um þessar mundir eru 5 ár síðan að Silfrastaðakirkja var tekin að grunni sínum og flutt til Sauðárkróks þar sem að hún hefur verið síðan í viðgerð. Í vor voru sóknarbörnin í Silfrastaðasókn heldur en ekki glöð því boðað var að kirkjan yrði flutt heim um mitt sumar.Meira -
Mér fannst eitthvað mjög svalt við þessa írsku, uppreisnargjörnu og pínu reiðu gaura
feykir.is Skagafjörður, Mannlíf, Lokað efni 06.10.2026 kl. 12.14Það virðist kannski ekki vera þannig meðan á þeim stendur en unglingsárin eru einstök og móta okkur á svo margan hátt. Vinskapur og alls konar dellur sem við uppgötvum á þessum árum fylgja okkur í gegnum lífið. Mörg okkar hafa til dæmis fallið fyrir einhverri hljómsveit á þessum árum og þær fylgja okkur endalaust; hvort sem það er nú Duran, Wham! eða já, U2. Um þessar mundir er hljómsveitin U2 að halda upp á 50 ára afmæli sitt og tónlistarnördar keppast við að búa til playlista og hampa þeim félögum; Bono, The Edge, Adam Clayton og Larri Mullen Jr. Feykir ákvað að taka þátt í þessu giggi og lagði nokkrar góðar spurningar fyrir einn helsta aðdáenda U2 á þessum slóðum, Áskel Heiðar Ásgeirsson, tónleikahaldara og háskólakennara með meiru.Meira -
Matsveinninn stóð í stórræðum í Drangeynni
feykir.is Skagafjörður, Mannlíf, Lokað efni 06.10.2026 kl. 11.54Drangey SK 2 kom til löndunar við Sauðárkrókshöfn 5. október með tæp 147 tonn af fiski en þar af voru 131 tonn af þorski og mun minna í öllum öðrum tegundum. Í frétt á vef FISK Seafood segir að Drangey hafi verið á veiðum fyrir norðan Kolbeinsey, á Litlahrygg og Ostahrygg og að sögn Ágústs Óðins Ómarssonar skipstjóra var ágætis þorskveiði þar og fínt veður nema um miðja vikuna þegar kom smá bræla úr suð-austri.Meira -
Heilahjálp með fræðslu um heilabilun á Sauðárkróki í dag og Hvammstanga á morgun
feykir.is Skagafjörður, Vestur-Húnavatnssýsla, Mannlíf 06.10.2026 kl. 11.00morgun Heilahjálp – samtök um heilabilun (áður Alzheimersamtökin) bjóða til opinnar fræðslu um heilabilun, góð samskipti og stuðning við aðstandendur á Sauðárkrók og Hvammstanga í vikunni. Í Húsi Frítímans á Sauðárkrók þriðjudaginn 6. október kl. 17:30 og í safnaðarheimilinu á Hvammstanga miðvikudaginn 7. október kl. 17:00. Aðgangur er ókeypis og öll áhugasöm velkomin.Meira
