Árshátíð á Borðeyri
Fimmtudaginn 7. nóvember héldu nemendur í skólahúsinu á Borðeyri árshátíð sína með söng, leik og dansi og eins og vera ber voru foreldrar, systkini, afar og ömmur mætt til að hlusta og horfa á börnin. Á Borðeyri er samrekinn grunn- og leikskóli með 16 börnum á aldrinum 2 ára til 10 ára og stigu allir nemendur skólans á svið.
Hófst dagskráin á því að nemendur grunn- og leikskólans fluttu ljóðið Sprett eftir Hannes Hafstein. Þar sem við erum svo heppin í okkar fámenna skóla að hafa menntaðan tónmenntarkennara, hana Elinborgu Sigurgeirsdóttur, setti það auðvitað sinn svip á hátíðina. Yngstu nemendurnir sungu og léku „Dúkkan hennar Dóru" við undirleik Elinborgar og undir stjórn Þórunnar Helgu leikskólakennara og deildarstjóra á Borðeyri og stóðu þau sig mjög vel og fengu mikið lófaklapp í lokin. Elstu nemendurnir sögðu brandara og lögðu gátur fyrir gestina sem reyndust miserfiðar. Allir nemendur sungu svo saman söngva um dýrin við undirleik Elinborgar.
Þá var komið að leikþætti undir stjórn Katrínar grunnskólakennara sem allir nemendur skólans tóku þátt í en hann heitir: „ Dýrin spjalla“. Hann inniheldur m.a. upplýsingar um fæðu dýranna, húsakost, hvernig þau vilja láta koma fram við sig og nokkur ljóð eftir okkar helstu ljóðskáld. Varla þarf að nefna að þetta gerði allt mikla lukku og sýndu nemendur skemmtilega tilburði í flutningi textans.
Árshátíðinni lauk með því að nemendur grunnskólans sýndu skoskan dans sem þau höfðu æft. Fengu þau síðan alla út á gólf með sér og reyndu að kenna þeim sporin sem vakti mikla kátínu þar sem þeir eldri voru misfimir.
Að dagskrá lokinni var svo kaffi í boði foreldra þar sem borðin svignuðu undan kræsingum að venju.
Ánægjulegur dagur í alla staði þar sem margir litlir og stórir sigrar voru unnir.
Katrín Kristjánsdóttir
Fleiri fréttir
-
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Hún. og er giftur Stefaníu Egilsdóttur.Segist sjálfur vera illa grunnskólagenginn með tæplega 600 fjár, 18 geitur11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira -
FNV er fjölbreyttur og vinalegur skóli
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 09.06.2025 kl. 11.30Kristján Bjarni hefur verið áfangastjóri við FNV um árabil en nú lætur hann af störfum þar en fer ekki langt, bara rétt norður yfir Sauðána og tekur við starfi skólastjóra Árskóla. Þar tekur hann við af Óskari G. Björnssyni sem hefur stýrt þeim skóla síðan Gagnfræðaskóli og Barnaskóli Sauðárkróks voru sameinaðir skömmu fyrir aldamót. En hvað ætli Kristjáni hafi þótt skemmtilegast við að starfa við FNV?Meira -
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira
