Dagskrá júnímánaðar í Glaumbæ
Gamli bærinn í Glaumbæ opnar dyr sínar alla daga frá kl. 9-18 í sumar og býður velkomna alla þá gesti, innlenda og erlenda, sem leggja land undir fót í sumar. Áskaffi er opið frá kl. 10-18.
Fimmtudaginn 6. júní er tilvalið líta við í Glaumbæ því á milli kl. 16-18 verður ungum gestum verður boðið á bak á hestum frá Syðra– Skörðugili. Strokkað verður smjör í Gamla bænum og leggjabú verður á hlaðinu.
Miðvikudaginn 19. júní leikur Eyjólfur Eyjólfsson tónlistarmaður á langspil í baðstofunni og segir frá sögu hljóðfærisins. Pilsaþytskonur mæta í sínu fínasta pússi í tilefni kvenréttindadagsins.
Við minnum lögheimilisíbúa Svf. Skagafjarðar og Akrahrepps á ársmiðann sem gildir í eitt ár frá kaupum hans óháð fjölda heimsókna. Miðinn er á 1700 kr. en 1500 kr. fyrir námsmenn, eldri borgara og öryrkja. Með ársmiðanum er vonast til fólk venji komur sínar sem oftast á safnið, mæti á viðburði með fjölskyldu og gesti, og taki þannig virkari þátt í starfsemi safnsins. Frítt er fyrir börn yngri en 18 ára.
Verið velkomin í Glaumbæ!
/ fréttatilkynning
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.