Drög að dagskrá Elds í Húnaþingi
Drög að dagskrá unglistahátíðarinnar Elds í Húnaþingi hafa nú, þegar 33 dagar eru í hátíðina, verið birt á vefsíðu hennar, www.eldurhunathing.com, sem hefur fengið andlitslyftingu. Að venju er mikið um dýrðir, svo sem tískusýning, markaður, leikir, paintball, lasertag og fleira. Útvarp Hvammstangi verður svo starfrækt á meðan á hátíðinni stendur. Hér fyrir neðan eru nánari upplýsingar um dagskrárliði hvers vikudags, en hátíðin hefst á miðvikudegi.
Á miðvikudeginum verður opnunarhátíð á hafnarsvæðinu á Hvammstanga þar sem eldurinn verður tendraður, kjötsúpa í boði, sjoppubíllinn á ferðinni og Jóhanna María Oppong sýnir nýja fatalínu. Svo verður hægt að skoða gull og gersemar á nytjamarkaði "gæranna". Kvöldinu lýkur svo með 40740 minningartónleikum í Hvammstangakirkju.
Dagskrá fimmtudagsins hefst á leikjum á Mjólkurstöðvartúninu, við tekur tölvuleikjanámskeið og svo Eldsmót í borðtennis og skotbolta. Fjallaskokk USVH er svo þennan dag og litagleði á Bangsatúni vegna hverfakeppninnar. Um kvöldið verður DJ Óli Geir í félagsmiðstöðinni Órion og endalaus tónlist í félagsheimilinu á Hvammstanga þar sem Melló Músíka fer fram og hljómsveitirnar Valdi og Gamlingjarnir og Famina Fatura taka lagið.
Föstudagurinn hefst mögulega á göngutúr og hinum ýmsu partýjum, s.s. flugdrekapartý og Zumbapartý. Förðunarnámskeiðið er á sínum stað sem og Heimsmeistaramótið í kleppara. Í ár verður svo hægt að fara í paintball og lasertag á Mjólkurstöðvartúninu. Miðtúnsbandið heldur tvenna tónleika í Kirkjuhvammskirkju, Ragnheiður Gröndal verður í Borgarvirki og Hjálmar í félagsheimilinu á Hvammstanga.
Laugardagurinn er með hefðbundnu sniði og hefst á sápurennibraut í Tommabrekku. Við tekur svo fjölskyldudagur á Bangsatúni sem verður væntanlega uppfullur af sól. Þar verður ýmis afþreying fyrir börnin, fyrirtækjakeppni og úrslit í hverfakeppninni kunngerð. Á Mjólkurstöðvartúninu verður sápubolti, paintball og lasertag. Á Hvammstangavelli verður knattspyrnuleikur þar sem Kormákur/Hvöt mætir Snæfelli/Geislanum. Hátíðinni lýkur svo í dansi með hljómsveitinni Buff.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
