Einstaklega vel heppnað kvöld
Skemmtikvöld sem var haldið í Sundlauginni á Hofsósi til styrktar Magnúsi Jóhannessyni, sunnudaginn 24. júlí síðastliðinn, fór einstaklega vel fram. Magnús slasaðist alvarlega í vinnuslysi í júní síðastliðinn og er nú bundinn við hjólastól.
Rúmlega 200 manns mættu á svæðið og lét engin hellidembuna á sig fá, enda allir glaðir að fá rigningu eftir langt þurrkatímabil.
Gísli Einarsson skemmti gestum sem kynnir kvöldsins og stigu á stokk fjölmargir listamenn til að leggja góðu málefni lið. Geirmundur Valtýsson frumflutti lag eftir Þorkel Guðbrandsson, sem samið var um Magga. Alexandra Chernyshova söng tvö lög og Jón Þorsteinn Reynisson frá Mýrarkoti spilaði á harmónikku.
Boðið var upp á ýmis önnur skemmtiatriði og var ermasund m.a. þreytt í fyrsta sinn á Íslandi er sundkappar stungu sér til sunds í úlpum og yfirhöfnum, einnig var happdrætti, bögglauppboð og margt fleira.
Á skemmtikvöldinu söfnuðust 389 þúsund krónur og sama dag styrkti Jónsmessunefndin á Hofsósi Magnús og fjölskyldu um 100 þúsund krónur.
Valdís Hálfdánardóttir, starfsmaður Sundlaugarinnar á Hofsósi, og einn skipuleggjandi kvöldsins var alsæl með hvernig kvöldið fór fram. Hún vildi koma á framfæri þökkum til allra þeirra fyrirtækja og einstaklinga sem studdu málstaðinn.
Þeir sem vilja styðja fjölskylduna er bent á söfnunarreikning; 0161-15-550279 kt: 110468-3429.
Myndir: Sigrún Heiða Pétursdóttir Seastrand
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
