Færi með Höllu systur á Madonnu tónleika / BERGLIND STEFÁNS
Bergind Stefánsdóttir er búsett í Vesturbæ Reykjavíkur, fædd 1979. Hún ólst upp í Varmahlíð og er dóttir Margrétar Guðbrandsdóttur, skólaritara og Stefáns R. Gíslasonar, tónlistarmanns. Berglind spilar á þverflautu og segist bjarga sér á píanó.
Helstu tónlistarafrek? -Að spila fyrir fyrrum forseta Íslands, frú Vigdísi Finnbogadóttur þegar ég var 12 ára. Jú og svo hef ég fengið tækifæri til að spila með Sinfóníuhljómsveit Íslands.
Uppáhalds tónlistartímabil? Ég á kannski ekkert sérstakt uppáhalds tímabil, ég spila tónlist frá öllum tímabilum og finnst það allt jafn skemmtilegt en hins vegar hefði ég algjörlega verið í essinu mínu í kringum 1960, því ég elska að hlusta á lög frá þeim tíma.
Hvaða tónlist fær þig til að sperra eyrun þessa dagana? Ævintýraóperan Baldursbrá, sem ég er að æfa um þessar mundir. Ég er að spila í þeirri uppfærslu í lok mánaðarins í Norðurljósasal Hörpu.
Hvers konar tónlist var hlustað á á þínu heimili? Það var hlustað á ýmislegt, þá kannski helst Bítlana, Queen, Ellý og Vilhjálm, jú og svo Pálma Gunnars.
Hver var fyrsta platan/diskurinn/kasettan/niðurhalið sem þú keyptir þér? Það var minnir mig diskur með Rage Against the Machine sem er algjörlega úr karakter við mig, en ég fílaði hana þvílíkt á sínum tíma!
Hvaða græjur varstu þá með? Þá var ég með Pioneer fermingargræjurnar sem mamma og pabbi gáfu mér.
Hver var fyrsta lagið sem þú mannst eftir að hafa fílað í botn? Ég man sérstaklega eftir laginu Vertu ekki að plata mig með HLH flokknum, fannst þetta það allra besta lag sem ég hafði heyrt!
Hvaða lag getur eyðilagt fyrir þér daginn? Ég held ég geti bara ekki látið lag eyðileggja fyrir mér daginn, það hefur ekkert lag náð því hingað til allavega.
Uppáhalds Júróvisjónlagið? Ég myndi segja ítalska júróvisjónlagið frá árinu 1964, Non hol’etá eða Heyr mína bæn sem það heitir á íslensku.
Þú heldur dúndurpartí í kvöld, hvað læturðu hljóma í græjunum til að koma öllum í stuð? Ég fæ pottþétt Emmsjé Gauta sem býr neðri hæðinni hjá mér til að sjá um að halda uppi stuði og stemmningu.
Þú vaknar í rólegheitum á sunnudagsmorgni, hvað viltu helst heyra? Hljóðið í kaffivélinni minni.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ég færi til London á tónleika með Madonnu og tæki Höllu systur mína með mér, sem var algjörlega forfallinn aðdáandi hér áður fyrr.
Hvaða tónlistarmaður hefur þig dreymt um að vera? Þegar ég var lítil stelpa fannst mér Withney Houston alveg meiriháttar söngkona og horfði óendanlega oft á myndina Bodyguard, bara til að sjá hana í myndinni
Hver er að þínu mati besta plata sem gefin hefur verið út? Úff…þetta er erfitt, þær eru svo margar. En það sem mér dettur fyrst í hug er Hvíta albúmið með Bítlunum, Queen plöturnar eru svaka flottar og svo er nýja platan hennar Bjarkar, Vulnicura alveg frábær.
Sex vinsælustu lögin á Playlistanum þínum?
Time after time með Chet Baker
Tvær stjörnur með Megas
Ég er komin heim með Memfismafíunni
Make you feel my love með Adele
Kría með Rósu Guðrúnu Sveinsdóttur
Summertime með Ellu Fitzgerald
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.