Fært um Holtavörðuheiði á ný
Um 120 manns urðu strandaglópar á Laugabakka og Reykjaskóla í Hrútafirði í nótt þegar Holtavörðuheiðin var lokuð vegna veðurs. Opnað hefur verið um heiðina á ný.
Rúv.is greinir frá því að á milli 60 og 70 manns gistu í Reykjaskóla í Hrútafirði í nótt, upphaflega var gert ráð fyrir um 200 manns en þónokkur fjöldi ákvað að fara yfir Laxárdalsheiðina í gærkvöldi. Þá gistu milli 50 og 60 manns á Laugabakka. Þar var Elísa Sverrisdóttir, gjaldkeri Rauða krossins á Hvammstanga, og sagði hún í samtali við Rúv að vistin þar hafi verið góð .
Samkvæmt vef Vegagerðarinnar er orðið fært um Holtavörðuheiði, hálka, snjóþekja eða hálkublettir á Norðurlandi og sumstaðar skafrenningur. Þæfingsfærð er á Siglufjarðarvegi.
Á Ströndum og Norðurlandi vestra er minnkandi sunnanátt, 3-8 m/s eftir hádegi og dálítil él. Frost 1 til 6 stig. Veðurstofan varar við stormi seint á morgun, þá gengur í austan og suðaustan 15-23 með snjókomu eða slyddu og hlýnandi veðri.
Veðurhorfur á landinu næstu daga
Á miðvikudag:
Suðlæg eða breytileg átt, víða 5-10 m/s. Él víða um land, en samfelld snjókoma eða slydda austast fram eftir degi. Frost 0 til 5 stig, en kringum frostmark með A-ströndinni.
Á fimmtudag:
Suðaustlæg átt, 5-13 m/s og snjókoma eða slydda sunnantil en úrkomulítið norðan heiða. Vaxandi SA-átt síðdegis, 15-20 m/s og talsverð rigning eða slydda um kvöldið einkum SA-til. Hiti um frostmark, en 0 til 4 stig syðst.
Á föstudag:
Suðlæg átt og lítilsháttar snjókoma norðantil fyrir hádegi en gengur í suðaustan storm seinnipartinn með rigningu, einkum S- og V-lands og hlýnar.
Á laugardag:
Útlit fyrir suðlæga átt og rigningu, einkum um landið S-vert. Hiti 2 til 8 stig.
Á sunnudag:
Fremur hvöss sunnanátt, rigning og hlýnandi en úrkomulítið NA-til.
Fleiri fréttir
-
Minnstu bæjarfélögin hrópa út í tómið | Ólafur Adolfsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.05.2025 kl. 00.45„Hækkunin sem fylgir þessari skattlagningu er of mikil til að þessi minnstu fyrirtæki geti rekið sig réttum megin við núllið. Það er mat Óðins að þessi fyrirtæki, sem hafa fjölda manns í vinnu, fari að hverfa eitt af öðru um mitt næsta ár. Ríkisstjórnin reyndi í uppfærslu á frumvarpinu að koma til móts við minni útgerðir en samt sem áður er staðan svona. Þetta sýnir bara hversu hroðvirknislega þetta var unnið frá upphafi,“ segir Ólafur Adolfsson í aðsendri grein.Meira -
Iðnmenntun í uppnámi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.05.2025 kl. 15.26Morgunblaðið birti þann 29.5 umfjöllun um húsnæðismál verknámsdeildar FNV. Undir fyrirsögninni: Verknámshúsið löngu sprungið. Þar er vitnað til skólaslitaræðu fráfarandi skólameistara, Ingileifar Oddsdóttur:Meira -
Húnabyggð ein fjögurra sem hlaut styrk
feykir.is Austur-Húnavatnssýsla 30.05.2025 kl. 13.40Á vef Innviðaráðuneytisins kemur fram að styrkbeiðni Húnabyggðar um styrk til að þróa og efla almenningssamgöngur innan sveitarfélagsins með áherslu á samgöngur fyrir börn og ungmenni hafi verið ein fjögurra sem hlutu styrk Innviðaráðuneytisins vegna aðgerðar A.10 á byggðaáætlun, Almenningssamgöngur milli byggða.Meira -
Gleðilega hátíð sjómenn
feykir.is Skagafjörður, Austur-Húnavatnssýsla, Lokað efni 30.05.2025 kl. 10.05Sjómannadagurinn verður haldinn hátíðlegur um komandi helgi og hófust hátíðarhöld á Skagaströnd með golfmóti á Skagastörnd í gær fimmtudag. Íbúar Skagastrandar hafa einnig verið hvattir til þess að skreyta húsin sín og verða vegleg verðlaun fyrir best skreytta húsið. Frábær dagskrá verður síðan alla helgina en hátíðin heitir því fallega og viðeigandi nafni Hetjur hafsins. Meðal þess sem í boði verður eru, BMX brós, VÆB bræður, vatnsfótbolti, skrúðganga, skemmtun á bryggjunni, tónlistarbingó og dansleikur með hljómsveitunum Skandal og Steinliggur svo það er óhætt að segja að það verður margra daga sjómannadagsstuð á Skagaströnd alla helgina.Meira -
Myndasyrpa frá brautskráningu FNV
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.Meira
