Fasteignagjöld af hesthúsum hækka
Á fundi Byggðaráðs Skagafjarðar í síðustu viku var ákveðið hvernig skattar og gjöld verði innheimt við álagningu fasteignagjalda árið 2012. Sú breyting varð að undir C-flokk falla nú gripahús sem áður voru í A-flokki og eru á skipulögðum svæðum í þéttbýli. Hér er einkum um hesthús að ræða og hækkar skatturinn úr 0,50% í 1,65% af fasteignamati.
Aðrar breytingar frá fyrra ári eru þær að ef upphæð heildarálagningar pr. gjaldanda nær ekki 23.000 kr. þá er einn gjalddagi, 1. febrúar 2012 en upphæðin var 20.000 kr. í fyrra. Einnig er breyting á aldursmörkum vegna útsendingar álagningarseðils sem var 60 ár, en verður 65 ára. En samkvæmt heimildum Feykis geta allir fengið pappírsútgáfu ef óskað er.
- Gjaldskrá fasteignagjalda árið 2012
- Fasteignaskattur A-flokkur 0,50%
- Fasteignaskattur B-flokkur 1,32%
- Fasteignaskattur C-flokkur 1,65%
- Eins og fyrr sagði falla nú gripahús sem áður voru í A-flokki og eru á skipulögðum svæðum í þéttbýli undir C-flokk en það er gert í samræmi við úrskurð Yfirfasteignamatsnefndar þar sem kærð var álagning fasteignaskatts á hesthús í Sveitarfélaginu Árborg en komst að þeirri niðurstöðu að hesthús í þéttbýli beri að skattleggja á þennan hátt.
- Lóðarleiga íbúðarlóða 1,50%
- Lóðarleiga atvinnulóða 2,50%
- Leiga beitarlands 0,50 kr/m2
- Leiga ræktunarlands utan þéttbýlis 0,90 kr/m2
- Leiga ræktunarlands í þéttbýli 1,25 kr/m2
- Gjaldskrá nr. 1069 fyrir fráveitugjald og tæmingu rotþróa í Sveitarfélaginu Skagafirði frá 20. desember 2006 er óbreytt.
Fjöldi gjalddaga fasteignagjalda verði átta, frá 1. febrúar 2012 til 1. september 2012. Heildarálagning á fasteign sem ekki nær 350 kr. fellur niður. Ef álagning fasteignagjalda á fasteign nær ekki 23.000 kr. á gjaldanda, verður öll upphæðin innheimt á fyrsta gjalddaga, 1. febrúar 2012. Einnig verður gefinn kostur á því að gjaldendur geti greitt upp fasteignagjöldin á einum gjalddaga, 1. maí 2012, séu þau jöfn eða umfram 23.000 kr.
Álagningarseðlar fasteignagjalda 2012 verða sendir í pappírsformi til allra lögaðila og gjaldenda sem eiga lögheimili utan sveitarfélagsins og þeirra gjaldenda sem eiga lögheimili í sveitarfélaginu og eru 65 ára og eldri. Gert er ráð fyrir að aðrir gjaldendur nálgist rafræna útgáfu álagningarseðlanna í Íbúagátt sveitarfélagsins og á vefsíðu island.is, nema þeir óski sérstaklega eftir pappírsútgáfu. Þessi tilhögun verði auglýst með góðum fyrirvara í staðarblöðum og á heimasíðu sveitarfélagsins.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
