Félagslífið blómstrar í Fljótum um verslunarmannahelgina
Það verður óvenju mikið um að vera í Fljótunum um verslunarmannahelgina en þá verða Félagsleikar Fljótamanna haldnir í fyrsta sinn. Dagskráin hefst síðdegis á föstudag og lýkur á sunnudagskvöldi og verður vettvangur hennar vítt og breitt um sveitina. Í auglýsingu um leikana segir að hér sé á ferðinni samveru—og sveitahátíð af gamla skólanum þar sem meginþemað sé félags- og samtakamáttur hvers samfélags. Feykir hafði samband við Sjöfn Guðmundsdóttur sem er formaður Íbúa- og átthagafélags Fljótamanna og spurði hana fyrst að því hvaðan hugmyndin að leikunum væri sprottin.
„Hugmyndin kemur frá Hermanni Sæmundssyni sem er ættaður frá Ysta-Mói í Fljótum. Hann er mikill áhugamaður um tónlist og hefur getið sér gott orð fyrir að koma út úr bílskúrnum með öðrum frábærum spilurum og þeir hafa haldið nokkur böll í Reykjavík, við góðan orðstír. Hann hafði samband við mig og upphaflega planið var að halda ball í Ketilási með þeim félögum en eina helgin sem Ketilás var laus var um verslunarmannahelgina og þá leiddi eitt af öðru. Hermann fékk Íbúa- og átthagafélag Fljóta í lið með sér og höfum við stutt hann eftir besta megni. Hermann er búinn að leggja ótrúlega vinnu í undirbúning og á mestan heiðurinn af Félagsleikunum.“
Sjöfn segir að með Félagsleikum sé verið að heiðra félagssögu Fljótanna og á laugardag klukkan 10 verður haldinn morgunverðarfundur á Ketilási. „Þar verður margt góðra gesta, m.a. Jón Kristjánsson, fyrrverandi ráðherra, og Hjalti Pálsson sem skrifar Byggðasögu Skagafjarðar, en hann vinnur núna að síðasta bindi hennar sem fjallar um Holtshreppinn í Austur- Fljótum.“
Af öðrum viðburðum sem í boði eru má nefna tónleika af ýmsu tagi og gönguferðir með leiðsögn, m.a. um slóðir Bakkabræðra. Sérstök dagskrá verður sem tileinkuð er skáldkonunni Guðrúnu frá Lundi og sýning um ævi hennar ritstörf verður opnuð. Kjötsúpuhlaup Orkusölunnar verður þreytt, boðið til kjötsúpuveizlu aldarinnar, Dalalífs „bar-kviss” á Ketilási, ball og skrall og margt fleira.
Ýmsir aðilar styrkja Félagsleikana og verður ókeypis aðgangur á alla viðburðina, en veitingar verða seldar og rennur allur ágóði af þeim í að setja upp leiktæki fyrir börn í Fljótum.
Dagskrána má nálgast hér.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.