Ferðaþjónustuaðilar á ferðinni
Félag ferðaþjónustunnar í Skagafirði hélt í sína árlegu skemmtiferð þriðjudaginn 8. október síðast liðinn.s.l. Ferðina notar félagið til að kynna sér starfsemi fyrirtækja í ferðaþjónustu á svæðinu, sjá hvað er í boði hjá öðrum og til kynnast starfsemi hvers annars. Hildur Magnúsdóttir, sem er í stjórn félagsins, sendi Feyki stutta ferðasögu og meðfylgjandi myndir.
Við byrjuðum á kynningu á Gestastofu Sútarans og tóku þær mæðgur Sigga og Steinunn vel á móti hópnum með skemmtun, fræðslu og fróðleik, auk þess að bjóða uppá veitingar úr sjávarfangi.
Næst var haldið sem leið lá, austur yfir Héraðsvötn og hjónin Gunnar og Sólveig á Samgönguminjasafninu heimsótt og fengum við skemmtilega leiðsögn um safnið auk þess að fá að kíkja í vinnustofu Sólveigar, en þar vinnur hún ýmsa vöru úr gleri.
Því næst var haldið í Fljótin þar sem hjónin Hjördís og Jóhannes á Brúnastöðum voru heimsótt og hjá þeim skoðuð aðstaðan, bæði gistimöguleikar og samkomusalur. Hjördís tók á móti hópnum með heitri eplaköku með karamellusósu og rjóma og kaffi með, að hætti Fljótamanna.
Að lokum var svo farið aðeins út fyrir Skagafjörðinn og Siglufjörður heimsóttur og fékk hópurinn tækifæri til að kynna sér þá uppbyggingu sem þar hefur átt sér stað í ferðaþjónustu. Tók Finnur Yngvi, verkefnastjóri Rauðku, vel á móti hópnum og fengum við að sjá teikningar af hótelinu sem rísa á á Siglufirði innan skamms auk þess að fara í vettvangsferð um þær byggingar sem fyrirtækið hefur nú þegar breytt og hafið rekstur í. Hópurinn endaði svo á því að snæða kvöldverð á Hannes Boy og héldu allir sáttir og ánægðir heim á leið síðla kvölds.
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
