Fjárlög næsta árs reiðarslag fyrir skólann
Í fjárlagafrumvarpi ríkisstjórnarinnar fyrir árið 2015 er gert ráð fyrir verulegri fækkun á nemendaígildum við FNV. „Ef þetta verður niðurstaðan í fjárlögunum þýðir það að við fáum greitt fyrir færri nemendur þrátt fyrir að nemendum við skólann hafi ekki fækkað,“ segir Ingileif Oddsdóttir skólameistari í samtali við Feyki.
„Það er spurning hvað við gerum í framhaldinu, ég er búin að óska eftir fundi í ráðuneytinu til að fara yfir stöðuna og sjá hvernig þeir fá þessa tölu út,“ segir Ingileif. En hún segir að þetta sé væntanlega gert á þeim forsendum að nú eigi framhaldsskólinn að breytast og 25 ára og eldri nemendur hafi ekki sama rétt til innritunar og þeir sem yngri eru. „Ráðherrann segir að þetta eigi ekki að bitna á 25 ára og eldri sem eru í starfsnámi. Við erum búin að aldursgreina nemendahópinn hjá okkur og þær niðurstöður eru engan veginn í samræmi við niðurskurðinn.“
Hún segist vilja að skólameistarar í Norðvesturkjördæmi taki höndum saman og fari fram á fund með alþingismönnum kjördæmisins um þetta mál.
Munu leita allra leiða til að tryggja áframhaldandi dreifnám
Í fjárlagafrumvarpinu kemur jafnframt fram að framlag til dreifnáms á Hvammstanga verði fellt niður, sem þýðir að óbreyttu að ekki verði hægt að halda út námi haustið 2015.
„Það er til samningur um dreifnám í Húnaþingi vestra þar sem fram kemur að framlag ríkisins árið 2015 skuli vera 6,75 milljónir. Því kemur boðaður niðurskurður á fjárlögum okkur óþægilega á óvart,“ segir Guðný Hrund Karlsdóttir sveitarstjóri Húnaþings vestra.
Hún segir að leitað verði allra leiða til að tryggja áframhaldandi dreifnám á Hvammstanga. „Mikil ánægja er meðal heimamanna með fjarnámið og skiptir það sköpum í samfélaginu. Rætt hefur verið við þingmenn og sveitarstjórnarmenn á svæðinu sem og fulltrúa Fjölbrautaskóla Norðurlands vestra. Allir eru sammála um mikilvægi dreifnámsins, ekki aðeins fyrir Hvammstanga heldur fyrir svæðið allt. Það hefur sýnt sig að með dreifnáminu skila nemendur sér frekar í áframhaldandi nám í FNV en áður,“ segir Guðný að lokum.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
