Flutningabíll kom æðandi á bílaþvögu við Miklagil
Mikil mildi var að ekki urðu alvarleg slys á fólki þegar tólf bíla árekstur varð á Holtavörðuheiði í gær. Meðal þeirra voru Hermann Ívarsson, lögregluvarðstjóri á Norðurland vestra, sem kastaðist tugi metra og endaði utan vegar eftir að flutningabíll kom æðandi á bílaös sem hafði skapast eftir árekstur.
Tilkynnt var um árekstur á Holtavörðuheiði, norðarlega við Miklagil og fór Hermann þá á vettvang, en hann er starfandi á Blönduósi. Þegar hann bar að garði hafði orðið 4 eða 5 bíla árekstur. Veðurofsinn mun gjarnan vera verstur við Miklagil og mikil snjósöfnun á brúnni. Vindurinn úr gilinu myndar gjarnan kóf þannig að skyggni verður mjög slæmt.
Í samtali við Morgunblaðið sagðist Hermann hafa hugsað með sjálfum sér að þetta væri hans síðasta. Hann var að ræða við fólk sem lent hafði í árekstrinum og einn bílanna var þversum á veginum og verið að aðstoða farþegann þegar flutningabíll kom aðvífandi á mikilli ferð. Viðbrögð Hermanns voru að öskra á farþegann í bílnum að forða sér.
Sjálfur stóð Hermann við hægri framenda fólksbílsins þegar flutningabíllinn skall á honum af miklu afli. Umræddur farþegi náði að forða sér en Hermann þeyttist sem fyrr segir tugi metra út fyrir veg. Þar rankaði hann fljótlega við sér og varð þá ljóst að farþeginn hafði orðið undir flutningabílnum, við vinstra framhjólið og aðeins höfuð hans stóð undan hásingunni.
Hermann kallaði út sjúkrabíl og fór að huga að farþeganum en þá þegar hafði eiginkona hans komið honum til aðstoðar og hann var sjálfur að reyna að komast undan bílnum. Maðurinn hafði fengið ansi mikið högg en var að sögn Hermanns furðu brattur. Segir hann ótrúlegt lán að ekki fór verr. Mbl. Hefur sagt frá því að maðurinn sem lenti undir flutningabílnum sé ekki lífshættulega slasaður og önnur slys á fólki á heiðinni í gær hafi verið minniháttar.
Fleiri fréttir
-
Spáð skaplegu veðri um hvítasunnuna en engum hlýindum
feykir.is Skagafjörður, Austur-Húnavatnssýsla, Vestur-Húnavatnssýsla 06.06.2025 kl. 10.00Loks virðist veðrinu vera að slota hér á Norðurlandi vestra og útlit fyrir skaplegt veður um hvítasunnuhelgina þó ekki verði reyndar hlýindunum fyrir að fara. Í morgun var kalt á Króknum og það meira að segja snjóaði pínu í morgunsárið. En nú gerir Veðurstofan ráð fyrir að það birti þegar líður á daginn en almennt er reiknað með um fimm stiga hita og fimm m/sek að norðan í dag.Meira -
BioPol hlaut styrk frá Matvælasjóði
feykir.is Austur-Húnavatnssýsla, Lokað efni 06.06.2025 kl. 09.26Sjávarlíftæknisetrið BioPol á Skagaströnd fékk nýverið tæplega þrigga milljón króna styrk frá Matvælasjóði til verkefnis sem kallast SeaTofu og snýst um að kanna fýsileika, greina og útfæra hugmynd tengdri íslenskri matvælaframleiðslu. Alls hlutu 40 verkefni styrk að þessu sinni en 129 umsóknir upp á rúmlega tvo milljarða bárust til sjóðsins.Meira -
Enginn lax á land á opnunardegi í Blöndu
feykir.is Austur-Húnavatnssýsla, Lokað efni 06.06.2025 kl. 09.06Enginn lax kom á land í opnun Blöndu í gær en aðstæður fyrir veiðimenn voru erfiðar, rok, úrkoma og skítakuldi. Í frétt Húnahornsins segir að auk þess hafi áin verið vatnsmikil og lituð því sökum úrkomu hefur vatnsmagn í lækjum margfaldast. Opnanir í Blöndu hafa ekki gefið mikið af sér síðustu ár og á því varð ekki breyting að þessu sinni.Meira -
„Erum ennþá að móta okkur í deildinni“
feykir.is Skagafjörður, Íþróttir, Lokað efni 05.06.2025 kl. 18.51„Sigurinn var virkilega sætur og skipti okkur miklu máli,“ segir Konráð Freyr Sigurðsson, Konni, þjálfari Tindastóls þegar Feykir spurði hann út í leikinn gegn Knattspyrnufélagi Fjallabyggðar sem var spilaður í gærkvöldi. Stólarnir unnu leikinn, gerðu sigurmarkið á 99. mínútu og nældu í dýrmætan sigur í kjölfar þriggja tapleikja.Meira -
Nýr samningur um sjúkraflutninga undirritaður
feykir.is Skagafjörður 05.06.2025 kl. 14.15Fyrr í dag rituðu Jón Helgi Björnsson forstjóri Heilbrigðisstofnunar Norðurlands og Sigfús Ingi Sigfússon sveitarstjóri Skagafjarðar undir nýjan samning um þjónustu sjúkraflutninga. Samningurinn sem gildir til næstu 5 ára, nær til sjúkraflutninga í Skagafirði, utan Fljóta sem njóta þjónustu frá Fjallabyggð. Brunavarnir Skagafjarðar munu sjá um framkvæmd samningsins líkt og undanfarin ár.Meira
