Forystufé eftir Ásgeir Jónsson frá Gottorp endurútgefin síðsumars
Mikill áhugi er á bókinni Forystufé eftir Ásgeir Jónsson frá Gottorp sem endurútgefin verður síðsumars, að sögn Bjarna Harðarsonar hjá bókaútgáfunni Sæmundi. „Texti bókarinnar er algjört konfekt og sögur Ásgeirs lifna við. Stundum finnst mér eins og hann sé að lýsa sögupersónum Íslendingasagnanna,“ segir Bjarni.
Bjarni segir að áhugasamir geti tryggt sér bókina á sérkjörum og um leið fengið nafnið sitt skrað í heillalóskaskrá með því að senda póst á bokakaffid@bokakaffid.is. Til gaman fylgir hér stutt brot úr bókinni sem segir frá forystusauðnum Surti frá Valadal:
Hann var fæddur í Valadal 1917. Fullþroskaður var hann mjög mikill vexti, bæði hár og langur. Hann var nokkuð lagðsíður, en ullin þunn og grófgerð. Höfuðið stórt og andlitið myndarlegt. Snoppan bæði löng og gild og nasirnar flæstar og framstæðar. Ennið mjög breitt. Augnaliturinn móbrúnn. Augun í stærra lagi, fögur og greindarleg. Hann var ungur gerður vaninhyrndur, og urðu hornin mjög löng, út og upp á við. Bilið á milli stiklaendanna mældist 70 sentimetrar.
Hljómmiklar klukkur bar hann í báðum hornum. Surtur var svo rismikill, háleitur og höfðinglegur, að allir veittu honum athygli. Hann bar það með sér að vera vel til foringja fallinn.
Surtur var mjög vitur, og veðurspár hans brugðust aldrei. Þó sýndi hann aldrei verulega tregðu með að fara út úr húsi, en ef hann vildi smástanza og taka sig út úr á venjulegum rekstri til beitar, þá brást aldrei, að veðrabrigði væru í nánd. En fyrir kom, að hann spáði með allt að því sólarhrings fyrirvara. Var þá jafnan rekstri og beit á fénu hagað eftir hegðun og ályktun hans.
Það var einnig athyglisvert, að þegar Surtur vissi á sig illt veður, þá hélt hann fénu næstum á sama blettinum allan daginn. Slíka daga lét hann sér venjulega hægt um beitina sjálfur, en stóð oft, leit yfir hjörðina og hristi sig, svo að hátt lét í klukkum hans.
Varfærni og eftirliti með fénu varð þó oft ekki við komið í sambandi við ályktanir Surts. „Ég lenti oft með féð í stórhríðum og illviðrum,“ segir Björn Jónsson. „En að skrifa um það allt tel ég lítt framkvæmanlegt,“ segir hann enn fremur.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
