Frábær byrjun í deildarbikarnum hjá meistaraflokk kvenna
Meistaraflokkur kvenna hjá Tindastóli byrjaði keppnistímabilið með glæsibrag, en stelpurnar eru búnar að spila fjóra leiki í deildarbikarkeppninni, vinna þrjá leiki og gera eitt jafntefli.
Laugardaginn 12. apríl sl. mættu stelpurnar liði Hattar frá Egilsstöðum, en Höttur hafði ekki tapað leik á tímabilinu. Leikurinn fór fram í Boganum á Akureyri og að sögn Guðjóns Arnar Jóhannssonar, þjálfara meistaraflokks kvenna hjá Tindastóli, var þetta líklega besti leikur Stólanna á mótinu fram til þessa. Tindastóll átti frábæran fyrri hálfleik en náði þó ekki að skora. Í seinni hluta fyrri hálfleiks slasast Snæbjört Pálsdóttir, leikmaður Tindastóls og sló það liðið niður. Hattarstúlkur gengu á lagið og skoruðu tvö mörk í síðari hálfleik, en þá rönkuðu Stólastúlkur við sér og náðu að jafna með mikilli þrautseigju. Það voru þær Bryndís Rún Baldursdóttir og Hrafnhildur Björnsdóttir sem skoruðu mörkin fyrir Stólana.
Næst átti Tindastóll leik til góða á móti Sindra frá Hornafirði og fór leikurinn fram sl. sunnudag. Leikurinn hófst með mikilli pressu Hornfirðinga og áttu Stólastúlkur fullt í fangi með að ná upp takti í spilið. Hörkuleikur var kominn í gang og var ljóst frá fyrstu mínútu að mörkin yrðu ekki mörg. Eftir hálftíma leik var svo brotið á Bryndísi Rún Baldursdóttur, leikmanni Tindastóls og fengu Stólastúlkur víti. Rakel Svala Gísladóttir skoraði af öryggi úr vítinu og Tindastóll kominn með forystuna. Í lok fyrri hálfleiks jöfnuðu Sindrastúlkur leikinn með frábæru skoti fyrir utan teig. Á 60. mínútu náðu Tindastólsstúlkur aftur forystunni þegar Laufey Rún Harðardóttir skoraði annað mark Stólanna. Lokastaða leiksins 2-1 fyrir Tindastól.
Nk. laugardag mæta stelpurnar síðan liði Álftaness í undanúrslitum, en ekki er komið á hreint hvar leikurinn verður spilaður.
Fleiri fréttir
-
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira -
Þriðji tapleikurinn í röð hjá Tindastólsmönnum
feykir.is Skagafjörður, Íþróttir, Lokað efni 01.06.2025 kl. 16.41Það er eitthvað bras á Tindastólsmönnum í 3. deildinni í knattspyrnu þessa dagana. Eftir fína byrjun á mótinu hafa nú tapast þrír leikir í röð en 5. umferðin var spiluð í gær. Þá héldu Stólarnir í Fífuna í Kópavogi þar sem sterkt lið Augnabliks beið þeirra. Líkt og í Mosó um daginn var fyrri hálfleikur Stólanna slæmur og það fór svo að heimamenn unnu leikinn 4-1. og skutluðu gestunum ofan í neðri hluta deildarinnar. Já og Pétur var á bekknum.Meira -
Benni Gumm kveður Stólana eftir eitt ár í brúnni
feykir.is Skagafjörður, Íþróttir, Lokað efni 31.05.2025 kl. 21.27Í tilkynningu frá körfunknattleiksdeild Tindastóls nú í kvöld segir að deiildin hafi komist að samkomulagi við Benedikt Guðmundsson um að hann haldi ekki áfram þjálfun meistaraflokks karla hjá félaginu. „Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni,“Meira -
„Það er gaman að takast á við eitthvað nýtt og spennandi“
feykir.is Skagafjörður, Mannlíf, Lokað efni 31.05.2025 kl. 19.25„Sko, það er smá saga að segja frá því. Ég er búinn að vera með Norðurslóðablæti frá því ég var púki vestur á Fjörðum og heyrði í veðurfréttum veðurskeyti frá Narsarsuaq á Grænlandi og fannst eins og það hlyti að vera draumastaður. Sem reyndist svo ekki vera, hef komið þar nokkrum sinnum,“ segir Magnús Hinriksson sem svona hversdags er starfsmaður Skagafjarðarveitna en leiðsögu- og ævintýramaður þegar færi gefst. Feykir hnusaði örlítið á Facebook og sá myndskeyti frá Magga nú nýlega þar sem hann var staddur í nágrenni við ísbirni á Svalbarða. Það var því bara eðlilegt að spyrja kappann hvað hann sé eiginlega að pæla og hvernig standi á þessu brölti í nágrenni Norðurpólsins.Meira -
Viðburðasumarið hafið á Norðurlandi vestra
feykir.is Austur-Húnavatnssýsla, Listir og menning, Mannlíf, Lokað efni 31.05.2025 kl. 16.34Það er útlit fyrir viðburðaríkt sumar á Norðurlandi vestra í sumar og má segja að viðburðasumarið hafi hafist nú um helgina. Á Blönduósi er Prjónagleðin að rokka og víða er sjómannadagurinn haldinn hátíðlegur en þó óvíða að jafn miklum myndarskap og á Skagaströnd Á viðburða- og dagskrársíðu Feykis má sjá að undibúningur er kominn á fullt fyrir hátíðahöld sumarsinsMeira
