Framkvæmdir við Mjólkursamlagið
Miklar framkvæmdir standa yfir hjá Mjólkursamlaginu á Sauðárkróki. Til stendur að reisa þar nýja viðbyggingu undir framleiðslulínu til ostagerðar sem keypt var frá Svíþjóð í byrjun ársins.
Grunnurinn sem búið er að grafa nær niður á um 6 metra dýpi en þar sem mikill leir er í jarðveginum þurfti að grafa djúpt til að komast niður á fast. Byggingin sem kemur til með að rísa á grunninum verður í svipuðum stíl og viðbyggingin sem byggð var fyrir tveimur árum sunnan við aðalbygginguna. Nýja viðbyggingin verður um meter hærri en syðri viðbyggingin og um 1300 m2 á stærð en húsnæðið sem Mjólkursamlagið býr yfir nú þegar er um 2000 m2.
Verktakafyrirtækið Friðrik Jónsson ehf. sér um framkvæmdirnar. Stefnt er á að þak verði komið á viðbygginguna í nóvember og verður þá vonandi hægt að byrja að innrétta húsið upp úr áramótum.
Engin endanleg ákvörðun hefur verið tekin um nýtingu á eldra húsnæðinu sem nú hýsir ostaframleiðsluna. Það kemur til með að verða gert upp og hluti af því notað undir framleiðslu á mysu sem Mjólkursamlagið er með í vöruþróun og til annarrar framleiðslu í framtíðinni.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
