Góður rekstur knattspyrnudeildar Tindstóls
Aðalfundur knattspyrnudeildar Tindastóls var haldinn í gærkveldi en þar var lögð fram skýrsla stjórnar ásamt reikningum og síðan fóru fram kosningar. Skýrslan er nokkuð ítarleg og þar má finna ýmsar upplýsingar um starf deildarinnar í heild sinni og ljóst er að ekki hefur verið setið auðum höndum á starfsárinu.
13 flokkar kepptu á Íslandsmótinu fyrir hönd Tindastóls og innan flokkanna voru oftar en ekki fleiri en eitt lið. 4. flokkur drengja og M.fl. karla hömpuðu Íslandsmeistaratitli á árinu sem er afar glæsilegur árangur. Tvö stórmót, Landsbankamótið og Króksmótið voru haldin með pompi og prakt en þessi mót setja svo sannarlega svip sinn á bæjarlífið á meðan þau standa yfir enda koma þúsundir manna til að fylgjast með og taka þátt.
Reikningar ársins 2010 voru lagðir fram og samþykktir. Rekstrartekjur ársins voru 26.879.678.- en rekstrargjöldin 26.318.923.- Rekstrarafgangur var því 560.755.-
-Þessi niðurstaða er afskaplega ánægjuleg, sagði Ómar Bragi Stefánsson formaður knattspyrnudeildarinnar. -Það er ekki sjálfgefið að íþróttafélög séu með samskonar niðurstöðu og allra síst í því umhverfi sem við höfum verið í á síðustu árum. Þessi niðurstaða er tilkomin með mikilli vinnu fjölda einstaklinga sem hafa komið að starfsemi deildarinnar og þeim öllum verður seint fullþakkað. Góðir samstarfsaðilar hafa komið að rekstri deildarinnar og þeim er þakkað fyir þeirra aðkomu. Þessi jákvæða niðurstaða gefur okkur svigrúm til ýmissa góðra verka á því starfsári sem framundan er og við höfum sagt það og munum standa við það að við munum koma enn betur að yngri flokkunum en áður með ýmsum hætti, segir Ómar.
Framundan er skipulagsvinna fyrir komandi starfsár og gerð fjárhagsáætlunar sem unnið verður eftir. Eins og komið hefur fram þá mun M.fl. karla og 2.fl. karla senda sameiginlegt lið með Hvöt á Blönduósi til keppni. Stjórn deildarinnar sér það ekki síst sem fjárhagslegan ávinning og telur að sú sameining muni skila enn meiri hagræðingu.
Stjórn knattspyrnudeildarinnar var öll endurkjörin á fundinum í gær en hana skipa: Ómar Bragi Stefánsson, formaður. Erna Baldursdóttir, ritari. Björn Ingi Óskarsson, gjaldkeri. Skúli V. Jónsson, v.formaður og Pétur Björnsson meðstjórnandi.
Stjórn knattspyrnudeildarinnar vill þakka öllum þeim er komu að rekstri deildarinnar á árinu; iðkendum, foreldrum, þjálfurum, samstarfsaðilum, þeim sem aðstoðuðu við Landsbankamótið og Króksmótið og hjálpuðu til við önnur mót og leiki á árinu. Án ykkar væri starfsemin fátækleg.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
