Gríðarmikill fróðleikur um skagfirska persónusögu :: Skagfirskar æviskrár komnar út
Níunda bókin í röð skagfirskra æviskráa, frá tímabilinu 1910-1950, er komin út en það er Sögufélag Skagfirðinga sem stendur að útgáfunni. Bókin er jafnframt sú tuttugasta sem félagið gefur út af Skagfirskum æviskrám en fjórar fyrstu bækurnar, frá tímabilinu 1890-1910, komu út á árunum1964-72 en á árunum 1981-99 komu út sjö bindi í flokknum 1850-1890. Árið 1994 hófst svo útgáfa á æviskrám frá tímabilinu 1910-1950 en hún hefur legið niðri frá árinu 2013.
„Æviskráin hefur legið niðri í níu ár vegna þess að ég hef verið svo bundinn við aðra hluti, fyrst og fremst að ljúka við Byggðasöguna,“ segir Hjalti Pálsson, ritstjóri bókarinnar. „Loksins kláraðist hún og þá fór ég að huga alvarlega að þessu. Það voru nú menn að skrifa fyrir mig, fyrst og fremst Egill Bjarnason,“ útskýrir Hjalti og heldur áfram: „Þegar hann varð áttræður hætti hann við Byggðasöguna og þá lokkaði ég hann í það að fara að skrifa æviskrár.“
Egill tók lítið í það í fyrstu, segir Hjalti, þar sem honum leist ekki á verkefnið en Hjalti hafði agnið sem þurfti og stakk upp á því að hann myndi skrifa um tengdaforeldra sína. „Jú, hann var til í að prófa og eftir það var björninn unninn,“ segir Hjalti en svo vill til að Egill hefur skrifað fjölda þátta. „Hann er í þessu í fjögur ár a.m.k. og vann þetta kappsamlega eins og allt sem hann gerði og hafði skilað af sér milli tvö og þrjúhundruð þáttum.“
Hjalti nefnir einnig Ingimar Jóhannsson og segir bókina ekki hafa komið út ef hann hefði ekki notið aðstoðar hans. „Þó að ég fari yfir þetta allt saman og ritstýri, þarf að samræma skrif og hafa samband við einhverja niðja og hann er það sem ég kalla almannatengslafulltrúi. Það er gríðarlegur tími sem fer í það að hafa samskipti við ættingja, bæði að fá upplýsingar og samþykki og miklir snúningar. Svo skrifar hann nokkra þætti sjálfur. Hann er algjör lykilmaður.“
3200 æviskrárþættir
Aðspurður segir Hjalti að þættirnir séu mikið til valdir af handahófi en þó þannig að leitast sé við að hafa saman systkini eða náskylda. „Sem dæmi í þessari bók erum við með alla Narfastaðabræðurna, Bjössa Narfa, Sverri í Viðvík, Garðar og Erling í Neðra-Ási og Ragnar í Garðakoti. Svo áttu þeir eina systur en hún bjó aldrei í Skagafirði, þannig að það er ekki skrifað um hana.“
Í þessari bók eru 90 þættir og hafa því komið út alls 3200 æviskrárþættir meira en 6000 einstaklinga sem einhvern tímann hafa haldið heimili í Skagafirði á árunum 1850-1950.
„Þetta eru 90 þættir, mismunandi langir, sumir mjög langir en aðrir eru stuttir. Mér finnst alltaf nauðsynlegt að gera svolitla grein fyrir börnunum. Ég vil að það komi fram hvar þau bjuggu og hvað þau störfuðu helst og makar þeirra. En það eru mun ýtarlegri upplýsingar um suma heldur en aðra vegna þess að það er misjafnt hvað við náum miklum upplýsingum.“
Hvar megi finna bókina upplýsir Hjalti að nú séu sölumenn á ferðinni í héraði og utan héraðs fái félagsmenn í Sögufélaginu vitneskju um bókina og valgreiðsla kemur inn á heimabanka. Ekki er um skyldukaup félagsmanna að ræða líkt og með Skagfirðingabók, en hún er í ódýrasta lagi þar sem skráðir félagar fá hana á 6500 krónur. Einnig er bókin fáanleg í betri bókabúðum landsins.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.