Guðmundur Haukur endurkjörinn formaður USVH
Héraðsþing USVH var haldið þann 29. mars í Félagsheimilinu Ásbyrgi í umsjón umf. Grettis. Þingfulltrúar mættu vel á þingið en 30 voru mættir af þeim 36 sem hafa seturétt á þinginu. Gestir þingsins voru frá UMFÍ, Helga Guðrún Guðjónsdóttir og Björg Jakobsdóttir og frá ÍSÍ var mættur Gunnlaugur Júlíusson.
Á heimasíðu USVH segir að Gunnlaugur hafi veitt Oddi Sigurðarsyni gullmerki ÍSÍ en Oddur hefur unnið mikið og óeigingjarnt starf í þágu íþróttamála í Húnaþingi vestra. Helga Guðrún formaður UMFÍ veitti Jónínu Sigurðardóttur og Kristínu Jóhannesdóttur starfsmerki UMFÍ fyrir störf þeirra í þágu ungmennahreyfingarinnar en þær hafa verið í ritnefnd Húna í tæp 20 ár.
Á heimasíðu UMFÍ segir að í skýrslu stjórnar hafi mátt lesa um kraftmikið og gott starf sambandsins m.a. var kafli í skýrslunni um 1. Landsmót 50+ sem haldið var á Hvammstanga í júní 2011 og einnig lá frammi á þinginu skýrsla um mótið sem þingfulltrúar gátu skoðað. Reikningar sambandsins sýna góðan rekstur og fjárhagslega stöðu sambandsins og er uppsetning reikningsins til mikillar fyrirmyndar. Fram kom hjá þingfulltrúum ánægja með hvern til tókst með framkvæmdina á 1. Landsmóti 50+ og spillti fyrir að mótið skilaði jákvæðri niðurstöðu fjárhagslega.
Litlar breytingar urðu á stjórn en Oddur Sigurðarson tók sæti ritara í stað Magnúsar Jónssonar og Halldór Sigfússon og Vigdís Gunnarsdóttir komu ný inn í varastjórn í stað Odds og Guðbjargar Ingu Guðmundsdóttur. Þá var Guðmundur Haukur Sigurðsson endurkjörinn sem formaður.
Samþykktir þingsins voru breytt reglugerð um úthlutun USVH til aðildarfélaganna, breytt reglugerð um Héraðsþing USVH og einnig var samþykkt að færa Húnaþingi vestra og UMFÍ þakkir fyrir samstarf við 1. landsmót 50+ sem haldið var á Hvammstanga síðastliðið sumar.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
