Hagnaður hjá Blönduósbæ í fyrsta sinn frá 2007
Á síðasta fundi sveitarstjórnar Blönduósbæjar sem haldinn var á þriðjudaginn var ársreikningur vegna ársins 2013 lagður fram til síðari umræðu. Að umræðum loknum bar forseti upp eftirfarandi bókunin, sem og framlagða ársreikninga. Var hvort tveggja samþykkt samhljóða með sjö atkvæðum.
„Rekstrartekjur Blönduósbæjar árið 2013 námu 755 millj. kr. samkvæmt samanteknum rekstrarreikningi fyrir A og B hluta sem er 4 millj. kr. hærra en fjárhagsáætlun með viðaukum gerði ráð fyrir. Tekjur samstæðunnar hækka um 77 millj. á milli ára sem gerir um 11% hækkun tekna en útgjöld hækka um 30 millj. eða um tæp 5%.
Mesta frávikið er í hækkun lífeyrisskuldbindinga sem hækka um 18 millj. á milli ára. Rekstrarniðurstaða samstæðunnar fyrir fjármagnsliði var jákvæð um 69,4 millj. kr. Rekstrarniðurstaða sveitarfélagsins samkvæmt samanteknum rekstrarreikningi A og B hluta er jákvæð um 12,2 millj.kr. og er um 20 millj.kr. betri niðurstaða en fjárhagsáætlun með viðaukum gerði ráð fyrir.
Skuldir og skuldbindingar samtals eru 1.151.951 þús.kr. Í árslok 2013 en voru 1.184.735 þús.kr. árið á undan. Tekin voru ný langtímalán að upphæð 40,0 millj.kr. Afborganir langtímalána ársins 2013 voru 102 millj.kr. Eigið fé samstæðunnar um síðustu áramót var 613.751 þús.kr. Skuldahlutfall Blönduósbæjar er 152,5% í árslok 2013 en skuldaviðmið samkvæmt reiknisskilareglum er 138,7%.
Niðurstaða ársins sýnir skýrt merki um traustan rekstur Blönduósbæjar en sveitarfélagið hefur ekki verið rekið með hagnaði frá árinu 2007. Bæjarstjórn vill þakka sérstaklega starfsfólki sveitarfélagsins fyrir góð störf á liðnum árum.”
Fleiri fréttir
-
David og Manu framlengja við Tindastól!
feykir.is Skagafjörður, Íþróttir, Lokað efni 19.12.2025 kl. 16.02Tindastóll hefur náð samkomulagi við David Bercedo og Manuel Ferriol um framlengingu á samningum þeirra við félagið til næstu tveggja ára! Í yfirlýsingu frá knattspyrnudeildinni segir að báðir leikmenn hafi verið lykilmenn í Meistaraflokki karla og lagt sitt af mörkum bæði innan vallar sem utan. Framlengingarnar eru liður í áframhaldandi uppbyggingu liðsins og undirstrika metnað félagsins fyrir komandi ár.Meira -
Jákvæð rekstrarniðurstaða í fjárhagsáætlun Húnabyggðar fyrir 2026
feykir.is Austur-Húnavatnssýsla 19.12.2025 kl. 15.07Fjárhagsáætlun Húnabyggðar fyrir árið 2026, sem og þriggja ára áætlun áranna 2027-2029, var samþykkt á sveitarstjórnarfundi á mánudaginn. Í frétt á Húnahorninu segir að áætlað er að heildartekjur A og B hluta verði 2.883 milljónir króna árið 2026, rekstrargjöld 2.423 milljónir og afskriftir rúmar 161 milljón. Rekstrarniðurstaða fyrir fjármagnsliði er áætluð jákvæði um 299 milljónir en að teknu tilliti til þeirra, jákvæð um 124 milljónir. Veltufé frá rekstri er áætlað rúmar 362 milljónir en afborganir langtímalána tæpar 274 milljónir.Meira -
Jólatónleikar í Hóladómkirkju
feykir.is Skagafjörður 19.12.2025 kl. 11.05Föstudaginn 19.desember verða jólatónleikar Skagfirska kammerkórsins í Hóladómkirkju, tónleikarnir hefjast kl.20. Á dagskrá eru gömul og góð jólalög í bland við nýrri, m.a. verður nýtt fallegt jólalag frumflutt sem var samið fyrir kórinn í tilefni af 25 ára afmæli kórsins, lagið er eftir Auði Guðjohnsen og ljóðið eftir okkar ástæla skáld Sigurð Hansen í Kringlumýri Skagafirði.Meira -
Fyrstu meistarar Tindastóls heiðraðir í gærkvöldi
feykir.is Skagafjörður, Íþróttir, Lokað efni 19.12.2025 kl. 10.18Í hálfleik á leik Tindastóls og KR í Síkinu í gærkvöldi var þess minnst að 50 ár eru síðan Tindastóll eignaðist sína fyrstu Íslandsmeistara í körfubolta. Gömlu kempurnar sem áttu heimangengt voru mættir til leiks og kynntir fyrir áhorfendum í hálfleik og veittar viðurkenningar. Ágúst Ingi Ágústsson, sem er manna fróðastur um sögu körfuboltans á Króknum, flutti smá tölu við athöfnina og má lesa hana hér.Meira -
247 stiga jólaveisla í Síkinu
feykir.is Skagafjörður, Íþróttir, Lokað efni 19.12.2025 kl. 09.10Það voru hálfgerð litlujól í Síkinu í gærkvöldi þegar Vesturbæingar mættu vel stemmdir til leiks gegn stigaóðu liði Tindastóls í síðustu umferð Bónus deildar karla fyrir jól. Leikurinn var spilaður á ofsahraða og má eiginlega segja að liðin hafi varla náð að stilla upp í vörn í leiknum – það var bara búið að skjóta áður. Gestirnir byrjuðu leikinn betur en heimamenn tóku völdin þegar á leið og lönduðu öruggum sigri. Lokatölur 130-117 en sjö leikmenn Tindastóls gerðu öll 130 stig liðsins og skoruðu þeir allir meira en tíu stig.Meira
