Haukar sigruðu Stólana í Hafnarfirði
Haukar í Hafnarfirði fengu Tindastól í heimsókn í 21. umferð 1. deildar karla í knattspyrnu í gærdag. Stólarnir hafa að litlu að spila fyrir utan stoltið og að bæta stigafjöldann frá í fyrrasumar. Haukarnir eru hins vegar í baráttunni um sæti í Pepsi-deildinni. Eftir markalausan fyrri hálfleik voru heimamenn duglegri en Stólarnir við markaskorunina í þeim síðari og sigruðu 3-1.
Fannar Kolbeins og Ingvi Hrannar voru mættir til leiks á ný en þeir voru fjarri góðu gamni í leiknum á undan. Árni Arnarson var hins vegar í banni. Haukarnir voru mun betri í fyrri hálfleik enda höfðu Stólarnir lagt upp með að verjast aftarlega og beita síðan skyndisóknum. Þær sóknir enduðu flestar afar skyndilega því Stólarnir voru snöggir að missa boltann. Heimamenn voru á móti skotglaðir en þau skot sem rötuðu á markið voru varin af besta manni Tindastóls í gær, Seb Furness. Staðan 0-0 í hálfleik.
Tindastólsmenn komu líflegri til leiks í síðari hálfleik og bæði lið áttu nokkra ágæta sénsa á fyrstu 10 mínútunum, Fyrsta mark leiksins gerði Hafsteinn Briem á 54. mínútu með skalla eftir fyrirgjöf af vinstri kanti en Stólarnir vildu meina að hann hefði brotið á varnarmanni Tindastóls áður en hann skallaði í markið. Stuttu síðar bætti Hilmar Geir Eiðsson við öðru marki Hauka. Ekki voru Stólarnir þó á þeim buxunum að gefast upp og á 68. mínútu gerði Chris Tsonis laglegt mark, náði að snúa á vítateigslínunni og senda þéttingsfast skot í fjærhornið. Það voru þó heimamenn sem reyndust sterkari á lokakaflanum og fengu betri færin. Þeir unnu boltann á eigin vallarhelmingi og geystust í sókn á 84. mínútu og Anthonio De Souza komst inn fyrir vörn Stólanna og renndi boltanum framhjá Furness í markinu. Lokatölur 3-1.
Úrslitin voru í heildina sanngjörn í gær en heimamenn skópu sér fleiri færi í leiknum og þá höfðu þeir talsverða yfirburði í fyrri hálfleik sem þeim tókst þó ekki að nýta sér. Síðasta umferðin í 1. deild fer fram um næstu helgi. Ljóst er að KF og Völsungur falla niður um deild en þau fengu samtals á sig 23 mörk í gær en skoruðu ekkert. Toppslagurinn er æsispennandi en fimm lið eiga möguleika á að tryggja sér sæti í efstu deild; Fjölnir (40 stig), Víkingur R., Grindavik og Haukar (39 stig) og loks BÍ/Bolungarvík (37 stig) en það eru einmitt Djúpmenn sem mæta á Krókinn um næstu helgi með þá veiku von í brjósti að komast í efstu deild.
Fleiri fréttir
-
Metnaðarfull sumarsýning hjá Heimilisiðnaðarsafninu
feykir.is Austur-Húnavatnssýsla, Listir og menning 13.06.2025 kl. 08.06Sumarsýning Heimilisiðnaðarsafnsins Halla, Hún er ég – Prjónatilveran var opnuð laugardaginn 7. júní að viðstöddum fjölda gesta. Að þessu sinni er það Halla Lilja Ármannsdóttir sem er með fjölbreytta prjónasýningu. Um er að ræða prjónaðar flíkur og margs konar nytjahluti og skúlptúra.Meira -
Tekið vel í tillögu um árlega viðurkenningu til Listamanns Skagafjarðar
feykir.is Skagafjörður, Listir og menning 12.06.2025 kl. 14.41Á fundi atvinnu-, menningar- og kynningarnefndar Skagafjarðar sem fram fór þann 5. júní síðastliðinn var lögð fram tillaga frá Álfhildi Leifsdóttur fulltrúa VG og óháðra í byggðarráði þar sem hún lagði til að komið verði á árlegri viðurkenningu til handa listamanni í Skagafirði sem hefur skarað fram úr í listsköpun sinni eða stuðlað að menningarstarfi í héraðinu.Meira -
Nú streymir heita vatnið um Austur-Húnavatnssýslu sem aldrei fyrr
feykir.is Austur-Húnavatnssýsla, Lokað efni 12.06.2025 kl. 14.00Ný vinnsluhola, RR-38, verður formlega vígð föstudaginn 13.júní að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu. Hitaveitan að Reykjum þjónar nú öllu þéttbýli á Blönduósi og Skagaströnd auk dreifbýlis í Húnabyggð. Með tilkomu nýju vinnsluholunnar er rekstraröryggi aukið og tryggt að veitan geti sinnt núverandi og framtíðareftirspurn á svæðinu.Meira -
Meistari Arnar Björns semur til tveggja ára
feykir.is Skagafjörður, Íþróttir, Lokað efni 12.06.2025 kl. 13.35Dagur Þór og kompaní hjá körfuknattleiksdeild Tindastóls halda áfram að skreyta gómsæta hnallþóruna sem karlalið Tindastóls á að verða á næsta keppnistímabili. Nú hefur Sigtryggur Arnar Björnsson hripað nafn sitt á nýjan samning og ætlar að fara með okkur kátur og hress í körfuboltaferðalag næstu tvö tímabil.Meira -
Stefnir í sameingarviðræður Dalabyggðar og Húnaþings vestra
feykir.is Vestur-Húnavatnssýsla, Lokað efni 12.06.2025 kl. 11.21Á sveitarstjórnarfundi í Húnaþingi vestra í dag verður tekin endanleg ákvörðun um hvort ákveðið verði að hefja formlegar sameiningarviðræður við Dalabyggð. Sveitarstjórn Dalabyggðar hefur þegar samþykkt að hefja sameiningarviðræður en sú ákvörðun var endanlega samþykkt á fundi sveitarstjórnar Dalabyggðar þann 10. júní sl.Meira
