Haukarnir hleyptu Stólunum ekki heim með öll stigin
Tindastólsmenn voru hársbreidd frá fyrsta sigri sínum í 1. deildinni þetta sumarið þegar þeir spiluðu við Hauka í Hafnarfirði í kvöld. Heimamenn náðu að jafna leikinn í uppbótartíma og liðin skiptust því á jafnan hlut. Lokatölur 1-1.
Samkvæmt leiklýsingu á Fótbolti.net þá byrjuðu Stólarnir betur og Fannar Gísla fékk dauðafæri snemma leiks en markvörður Hauka varði vel. Heimamenn náðu yfirhöndinni þegar leið á hálfleikinn og Anton Ari stóð fyrir sínu í marki Tindastóls. Staðan í hálfleik var 0-0.
Síðari hálfleikur var tíðindalítill framan af en Haukar þó heldur hættulegri. Á 65. mínútu kom Benni inn í lið Tindastóls fyrir Fannar Kolbeins og hann gerði sér lítið fyrir og gerði glæsimark á 72. mínútu, lék inn af vinstri kantinum og sendi krullu í fjær vinkilinn. Eftir markið reyndu Tindastólsmenn að hægja á leiknum og þrátt fyrir pressu var lítið í gangi hjá Haukum. Því miður þá tókst Stólunum ekki að halda út og Andri Steinn Birgisson jafnaði á 92. mínútu, kláraði færi sitt af stuttu færi eftir að Anton Ari í markinu hafði fengið boltann í andlitið. Lokatölur 1-1 og Stólarnir með 2 stig að loknum þremur umferðum.
Næsti leikur Tindastóls er heima gegn botnliði KA sem enn hefur ekki fengið stig en leikurinn verður spilaður 5. júní. Þar sem Sauðárkróksvöllur er líkari eyðimörk en fótboltavelli þá er enn óljóst hvar leikurinn fer fram eða hvort liðin vígsla bara leikjum sínum í deildinni.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
