Hestamennska á Norðurlandi vestra með mörg einkenni klasa
Ráðstefnan Norðan við hrun – sunnan við siðbót? var haldin á Hólum í Hjaltadal fyrir helgina. Á meðal fyrirlesara var Ingibjörg Sigurðardóttir, lektor við ferðamáladeild Háskólans á Hólum, en í fyrirlestri hennar og Runólfs Smára Steinþórssonar, prófessors við viðskiptafræðideild Háskóla Íslands var fjallað um yfirstandandi rannsóknarverkefni um hestamennsku og ferðaþjónustu í Húnavatnssýslum og Skagafirði.
Á vef Hólaskóla kemur fram að í verkefninu er leitast við að greina þróun hestamennsku á svæðinu út frá kenningum um fyrirtækjaklasa og þann ávinning sem klasar gefa. Rýnt er í þróun hestamennsku, fjölda, eðli, staðsetningu og samkeppnishæfni fyrirtækja í greininni, auk þess sem litið er til tengdra klasa svo sem í ferðaþjónustu og landbúnaði.
- Niðurstöður verkefnisins sýna verulegt umfang hestatengdrar atvinnustarfsemi á svæðinu, allt frá frumframleiðslu, þ.e. ræktun lífhrossa og sláturhrossa, til sérhæfðrar þjónustu sem tengist hestum og hestamennsku. Þéttleiki hestatengdrar starfsemi er mikill. Nefna má að hrossarækt er stunduð á 212 stöðum skv. skilgreiningum verkefnisins á hrossaræktun, tamningar og þjálfun á um 60 stöðum og hestaferðaþjónusta, í formi hestaleigu, hestaferða og hestasýninga fyrir ferðamenn, er boðin hjá 16 fyrirtækjum. Menntun í tengslum við hestamennsku er til staðar, frá námskeiðum fyrir börn og upp á háskólastig, rannsóknir eru töluverðar, viðburðir fjölþættir og þátttaka í félagsstarfi umtalsverð.
Samkvæmt vef Hólaskóla sýnir rannsóknin að hestamennska á Norðurlandi vestra hefur mörg einkenni klasa en frekari rannsókna er þörf til að varpa skýrara ljósi á marga þætti varðandi samspil hestamennsku og ferðaþjónustu og þróun klasa á Norðurlandi vestra
Fleiri fréttir
-
Skagstrendingar óttast að hækkun veiðigjalda ýti undir sölu aflaheimilda frá staðnum
feykir.is Austur-Húnavatnssýsla, Lokað efni 27.05.2025 kl. 16.46Í frétt á vef SSV er sagt frá því að þegar skoðað er hvernig hækkun veiðigjalds gæti hækkað eftir stærð fiskiskipa, í veiðimagni talið, kemur í ljós að hún er hlutfallslega mest hjá þeim smæstu. Það eru þau sem veiða á bilinu 1 til 349 tonn á ári en þetta leiða útreikningar í ljós. Lítill kvóti er eftir til skiptanna á Skagaströnd og Feykir spurði Halldór Gunnar Ólafsson oddvita á Skagaströnd hvort sveitarstjórn hefði áhyggjur af hækkun veiðigjalda í ljósi þessa.Meira -
Emma og Júlía gera gott mót í Sandefjord
feykir.is Skagafjörður, Íþróttir, Lokað efni 27.05.2025 kl. 15.07Tveir keppendur frá badmintondeild Tindastóls tóku í vikunni þátt í Sandefjord Open mótinu sem fer fram í bænum Sandefjord í Noregi. Keppendur á mótinu eru 360 talsins en mótið stendur yfir í þrjá daga. Systurnar Emma Katrín og Júlía Marín tóku þátt í sex greinum, náðu í eitt gull, eitt silfur og eitt brons.Meira -
Krakkarnir brillera en reiknimeistarar klúðra
feykir.is Hr. Hundfúll 27.05.2025 kl. 13.50Herra Hundfúll fylgdist með keppni í Skólahreysti með öðru auganu nú á laugardaginn. Hann gladdist talsvert yfir gengi skólanna á Norðurlandi vestra. Varmhlíðingar voru sendir upp á svið til að taka við verðlaunum fyrir þriðja sætið en nemendur Grunnskóla Húnaþings vestra enduðu í fjórða sæti en með jafnmörg stig og Varmahlíðarskóli. En svo var farið að reikna ... aftur...Meira -
Allir með
feykir.is Skagafjörður, Austur-Húnavatnssýsla, Íþróttir, Aðsendar greinar 27.05.2025 kl. 13.26UMSS, Svæðisstöðvar íþróttahéraða og Íþróttasamband fatlaðra (ÍF) boða til vinnustofu fyrir forsjáraðila, íþróttaþjálfara, starfsfólk skóla og áhugafólk um íþróttir. Á vinnustofunni ætlum við að ræða hvernig við getum komið af stað skipulögðum æfingum eða komið fötluðum og þeim sem finna sig ekki í almennum íþróttum betur inn í það íþróttastarf sem er nú þegar í boði í Skagafirði.Meira -
Magga Steina vígð til djákna í Hóladómkirkju
feykir.is Skagafjörður, Mannlíf, Lokað efni 27.05.2025 kl. 13.05Það var merkur dagur á sunnudaginn þegar Margrét Steinunn Guðjónsdóttir var vígð til djákna í Reykjavíkurprófastdæmi vegna starfa sinna á Löngumýri við orlof eldri borgara. Í fallegri afhöfn í Hóladómkirkju, sem sr. Gísli Gunnarsson vígslubiskup leiddi, voru þjónandi prestar í Skagafirði, Anna Hulda djákni og fleiri sem tóku þátt, en sr. Bryndís Malla prófastur í Reykjavíkurprófasdæmi lýsti vígslunni.Meira
