Húnaþing vestra samþykkir fjárhagsáætlun fyrir 2013
Sveitarstjórn Húnaþings vestra samþykkti framlagða fjárhagsáætlun ársins 2013 ásamt 3ja ára áætlun fyrir árin 2014-2016 fyrir sveitarsjóð Húnaþings vestra og undirfyrirtæki á fundi sínum þann 22. nóvember sl. Tekið er fram í fundargerð að sveitarstjórn Húnaþings vestra hafi staðið saman að gerð fjárhagsáætlunarinnar og að meirihluti og minnihluti sveitarstjórnar hafi sameinast um megin áherslur og inntak áætlunarinnar fyrir komandi rekstrarár.
Um gerð fjárhagsáætlunar 2013 segir að á síðustu árum hefur sveitarstjórn Húnaþings vestra brugðist við óhagstæðu efnahagsumhverfi með þeim skynsamlega hætti að ráðast í beinar hagræðingaraðgerðir, og lækkun skulda.
„Þessar aðgerðir hafa skilað þeim árangri að reksturinn er í ágætu jafnvægi og fjárhagsstaða sveitarfélagsins hefur styrkst umtalsvert. Þrátt fyrir þá staðreynd þarf enn að gæta aðhalds og sparnaðar í rekstri og eftirsóknarvert er að lækka skuldir Húnaþings vestra enn frekar. Í því samhengi skal nefnt að á árinu 2012 hafa engin ný lán verið tekin og ekki er gert ráð fyrir neinni lántöku í fjárhagsáætlun ársins 2013,“ segir í fundargerð.
Tekin var sú ákvörðun að hækka ekki skatta á íbúa sveitarfélagsins þrátt fyrir örðugt rekstrarumhverfi og miðað hefur verið við að gjaldskrárbreytingar séu almennt í samræmi við verðlagsbreytingar.
Gert ráð fyrir nokkrum fjárfestingum og framkvæmdum á vegum sveitarfélagsins á árinu 2013, t.d. gatna- og gangstéttarframkvæmdir, úrbætur í tæknirými íþróttamiðstöðvar, lok framkvæmda í Brúarhvammi, aðgengismál á lóð grunnskólans á Hvammstanga og uppbygging göngustígs á Laugarbakka.
Helstu niðurstöður fjárhagsáætlunar 2013
Samkvæmt fundargerð er áætlunin lögð fram með 8,4 millj. kr. tekjuafgangi af rekstri A-hluta samstæðunnar. Áætlað er að fráveita, hitaveita og vatnsveita skili rekstarafgangi en að önnur B-hluta fyrirtæki séu rekin með halla.
Rekstarniðurstaða samstæðu fyrir fjármagnsliði er jákvæð um 43,2 millj. kr. en heildarniðurstaða samstæðunnar er jákvæð um 1,7 millj. kr. Tekjur A-hluta eru áætlaðar 991,0 millj. kr. en gjöld 980,0 millj. kr. án tillits til fjármagnsliða.Tekjur samstæðunnar eru áætlaðar 1.131 millj. kr. en gjöld 1.088 millj. kr. Fjármagnsliðir eru áætlaðir 41,6 millj. kr.
Handbært fé frá rekstri til greiðslu afborgana lána og til fjárfestinga er 78,0 millj. kr. Hlutfall veltufjár frá rekstri er áætlað 6,9%. Áætlað er að afborgun langtímalána nemi kr. 61,0 millj. kr. á árinu 2013. Ekki er gert ráð fyrir nýjum lántökum á árinu 2013.
Handbært fé í árslok 2013 er áætlað kr. 64,0 millj. kr. sem er lækkun um 13,7 millj. kr. frá ársbyrjun. Frá árinu 2012 er gert ráð fyrir hækkun eigin fjár um 1,7 millj. kr. Frá árinu 2012 er gert ráð fyrir að skuldir og skuldbindingar lækki um 30,6 millj. kr.
Fleiri fréttir
-
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira -
Ungmennafélagar vilja koma upp strandblakvelli á Skagaströnd
feykir.is Austur-Húnavatnssýsla, Íþróttir, Mannlíf, Lokað efni 24.06.2025 kl. 11.21Ungmennafélagið Fram á Skagaströnd sendi sveitarstjórn Skagastrandar erindi þar sem óskað er eftir leyfi til þess að koma upp strandblakvelli á lóð sveitarfélagsins. Í frétt á Húnahorninu segir að í erindinu komi fram að tilgangur verkefnisins sé að bæta aðstöðu til útivistar og hreyfingar fyrir almenning á Skagaströnd.Meira
