Israel Martin og Tindastóll skilja að skiptum
Körfuknattleiksdeild Tindastóls og Israel Martin, þjálfari meistaraflokks karla, hafa komist að samkomulagi um að hann hætti sem þjálfari liðsins. Í fréttatilkynningu frá Körfuknattleiksdeild Tindastóls segir að ákvörðunin hafi verið tekin í mestu vinsemd og báðir aðilar fari sáttir frá borði.
Fréttatilkynningin er á þessa leið: „Körfuknattleiksdeild Tindastóls og Israel Martin hafa komist að samkomulagi um að hann hætti þjálfun meistaraflokks karla. Ákvörðunin er tekin í mestu vinsemd og fara báðir aðilar sáttir frá borði. Israel Martin hefur þjálfað lið Tindastóls síðustu tvö keppnistímabil í Dominosdeild karla með ágætum árangri þar sem bikarmeistaratitill 2018 stendur uppúr. Stjórn KKD Tindastóls vil þakka Israel Martin fyrir gott og óeigingjarnt starf fyrir deildina og óskar honum velfarnaðar í framtíðinni. Stjórn KKD Tindastóls.“
Martin þjálfaði fyrst lið Tindastóls tímabilið 2014-2015 en þá fór liðið alla leið í úrslit Dominos-deildarinnar en tapaði þar fyrir KR. Hann kom á ný til liðsins sem aðstoðarþjálfari haustið 2016 en tók við af Joe Costa áður en árið var liðið og hefur þjálfað lið Tindastóls síðan. Tímabilið 2017-2018 náði hann frábærum árangri með Stólana, gerði liðið að Maltbikarmeisturum og um vorið fóru strákarnir alla leið í úrslitarimmu við KR en meiðsli Hester settu strik í reikninginn hjá Stólunum og liðið mátti sætta sig við að lúta í parket gegn Vesturbæingum enn á ný.
Ljóst er að niðurstaðan í vetur var ekki sú sem væntingar stóðu til og staða Martins erfið eftir að lið Tindastóls var slegið út í 8 liða úrslitum af liði Þórs eftir að hafa náð 2-0 forskoti í einvíginu. Boginn var spenntur hátt og vonbrigðin því mikil. Í viðtali við Feyki í síðustu viku var þó engan bilbug á Martin að finna og sagðist hann þegar byrjaður að undirbúa komandi tímabil, en hann var að hefja síðari árið á tveggja ári samningi við Kkd. Tindastóls.
Martin færði Tindastólsmönnum sem fyrr segir sinn fyrsta stóra titil tímabilið 2017-2018 þegar lið Tindastóls varð Maltbikarmeistari og spilaði þá bikarhelgi hreint frábæran körfubolta. Í viðtali Feykis var Martin spurður hver munurinn hafi verið á Tindastólsliði þess tímabils og nú í vetur. „Tímabilið á undan þá var hreinlega allt fullkomið – það allra besta. Lykileinkenni liðsins var bara að hafa gaman að því að spila körfubolta. „Já! Þetta er tímabilið!“ – Þannig leið mér síðasta vetur. Þetta tímabil hefur verið allt öðruvísi,“ sagði Martin.
Tindastólsfólk þakkar Israel Martin fyrir góðar minningar og marga glæsta sigra síðustu árin.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.