Kostnaðarsamar endurbætur framundan á húsnæði Tónlistaskóla
Um 150 nemendur stunda nú nám við Tónlistaskóla Austur Húnavatnssýslu en skólastjóri skólans, Skarhéðinn Einarsson, fór yfir starfsemi skólans á fundi í stjórn Byggðasamlags um Tónlistarskóla A-Hún. Einnig kynnti skólastjórinn i samstarf sem fyrirhugað er við Tónlistarskóla V-Hún og Söngskóla Alexöndru um starfsemi kórs fyrir stúlkur á aldrinum 10 til 15 ára.
Að undanförnu hefur verið unnið við að leggja parket og mála nokkur herbergi í húsnæði skólans á Blönduósi en ljóst þykir að framundan séu kostnaðarsamar viðgerðir á húsnæðinu. Að því tilefni lagði Halldór G Ólafsson fram tillögu þess efnis að stjórn Tónlistarskóla A-Hún fari þess á leit við stjórn Tónlistarfélags A-Hún
að félagið afhendi, án endurgjalds, Tónlistarskólanum húseign félagsins að Húnabraut 26 á Blönduósi. Var tillagan eins og áður segir lögð fram í ljósi þess að fyrir liggur að á húseigninni þarf að framkvæma kostnaðarsamar endurbætur sem ljóst er að Tónlistarskólinn þarf að standa straum af með beinum eða óbeinum hætti. Tillagan var borin upp til atkvæða og samþykkt samhljóða.
Þá lá fyrir fundinum drög að fjárhagsáætlun ársins 2009. Nokkur umræða varð um aksturskostnað starfsmanna við skólann. Skólastjóra og Jens P Jensen var falið að skoða leiðir til lækkunar á kostnaði. Fjárhagsáætlunin var yfirfarin og samþykkt samhljóða. Samþykkt var að senda fjárhagsáætlunina til umfjöllunar í sveitarstjórnum sem standa að byggðasamlaginu.
Fleiri fréttir
-
Tindastólsmenn á góðu róli
feykir.is Skagafjörður, Íþróttir, Lokað efni 10.05.2025 kl. 23.37Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigurMeira -
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira -
Húni 45. árgangur kominn út
feykir.is Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 10.00Á heimasíðu USVH segir að Húni, ársrit Ungmennasambands Vestur-Húnvetninga, sé komið út, að þessu sinni 45. árgangur. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.Meira -
Leiðrétting veiðigjalda mun skila sér í bættum innviðum | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.05.2025 kl. 18.36Mikil umræða hefur átt sér stað um frumvarp ríkisstjórnarinnar um leiðréttingu veiðigjalda, jafnt á þingi sem og úti í samfélaginu. Sjávarútvegsmál hafa alltaf kallað fram sterkar skoðanir og réttlætiskennd hjá þjóðinni, hvort sem er í umræðum um kvótakerfið, veiðigjöld, eða strandveiðar.Meira
