Lægstu skuldir sveitarfélaga með yfir 1000 íbúa
Ekkert sveitarfélag á Íslandi með fleiri en 1000 íbúa er með lægri skuldir og skuldbindingar en Húnaþing vestra en þetta var kynnt á fundi byggðaráðs Húnaþings vestra í vikunni.
Fjárhagsstaða Húnaþings vestra er afar traust en heildarskuldir og skuldbindingar í hlutfalli af heildartekjum A-hluta árið 2009 er 50%.Þá eru heildartekjur A-hluta sveitarsjóðs á íbúa einnig hæstar í Húnaþingi vestra árið 2009. Heildarskuldir og skuldbindingar á íbúa í Húnaþingi vestra, m.v. A-hluta sveitarsjóðs árið 2009 eru 365 þúsund en einungis Eyjafjarðarsveit og Rangárþing eystra eru með lægri skuldir pr. íbúa af sveitarfélögum með fleiri en 1.000 íbúa samkvæmt ársreikningum ársins 2009.
Eftirlitsnefnd með fjármálum sveitarfélaga hefur í störfum sínum haft til hliðsjónar ýmis viðmið til að leggja mat á fjárhagslega stöðu sveitarfélaga í landinu. Við það er miðað að til frekari skoðunar á fjármálum sveitarfélags komi þar sem heildarskuldir eru yfir 150% af heildartekjum í A-hluta reikningsskila sveitarfélags. Samkvæmt ársreikningum ársins 2009 eru 22 sveitarfélög með skuldir umfram 150% af heildartekjum A-hluta en 30 sveitarfélög þegar litið er bæði á A og B-hluta reikningsskilanna.
Byggðaráð lýsti á fundi sínum yfir ánægju með trausta fjárhagsstöðu sveitarfélagsins en lagði áherslu á að óvissa sé í rekstrarumhverfi sveitarfélaga m.a. vegna breytinga á tekjustofnum sveitarfélaga í kjölfar tilfærslu verkefna frá ríki til sveitarfélaga svo og boðaðra breytinga á úthlutun fjárframlaga frá Jöfnunarsjóði sveitarfélaga.
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.