Líðan ökumannsins þokkaleg miðað við aðstæður
Talið er að milli 13 og 17 þúsund lítrar af olíu hafi lekið í jarðveginn þar sem olíubíll frá Olíudreifingu valt út af veginum á Öxnadalsheiði í gær. Vegurinn um heiðina var lokaður í um sex tíma og umferð beint á meðan um Ólafsfjörð og Siglufjörð og varð mikil umferðarteppa um tíma, bæði við Ólafsfjarðargöng og Strákagöng. Olíubíllinn hefur verið fluttur til Reykjavíkur og er, að sögn Harðar Gunnarssonar, framkvæmdastjóra Olíudreifingar, ónýtur.
Hörður segir, í samtali við mbl.is í dag, að líðan ökumanns bílsins sé stöðug og hann við þokkalega heilsu miðað við aðstæður. „Það fór betur en á horfðist. Við heimsóttum hann í gærkvöldi og hann var mun hressari og þetta leit betur út en í fyrstu. Hann er í frekari rannsóknum á sjúkrahúsinu á Akureyri í dag,“ segir Hörður.
Að sögn Harðar er jarðvegurinn á þeim stað sem bíllinn valt þess eðlis að olían lekur beint í gegnum hann og niður í læk við veginn. Nú sé unnið að því að hreinsa eldsneytið úr jarðvegi og vatni og sem stendur þykir ólíklegt að skipta þurfi um jarðveg.
Bjarni Jónsson, forstöðumaður Náttúrustofu Norðurlands vestra, segir að ástæða sé til að skerpa á reglum varðandi flutninga á hættulegum varningi. Rætt var við Bjarna í hádegisfréttum RÚV í dag:
„Ég held að það sé alveg full ástæða til að kortleggja svolítið hvað er undir á þeim svæðum sem verið er að fara með svona flutninga. Kortleggja og greina þá náttúru á leiðinni og þar sem við erum sumstaðar með viðkvæmari svæði en önnur. Að menn viti þá af því þegar verið er að vinna áhættumat og annað sem mun byggja á í leiðarvali og reglum,“ segir Bjarni.
Fleiri fréttir
-
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.