Lífsins gæði og gleði um helgina
Sýningin Lífsins gæði gleði verður haldin í þriðja sinn um helgina. Fer hún fram í Íþróttahúsinu á Sauðárkróki og verður opin á morgun laugardag frá kl. 10-17 og á sunnudag kl. 10-16. Þátttakendur eru nú í óða önn að koma sér fyrir á sýningunni og verður opið í Íþróttahúsinu til kl. 19 í kvöld og frá kl. 9 í fyrramálið til þess.
Það er Sigfús Ingi Sigfússon verkefnastjóri hjá Sveitarfélaginu Skagafirði sem hefur haft veg og vanda að undirbúningnum, ásamt þeim Ingunni Ástu Jónsdóttur og Sólveigu Olgu Sigurðardóttur sem starfa fyrir SSNV.
„Undirbúningur hefur gengið með ágætum. Við gerðum litla skoðanakönnun í lok síðasta árs meðal þátttakenda á síðustu sýningu og niðurstaða hennar var sú að flestir vildu hafa sýningarnar á tveggja ára fresti,“ sagði Sigfús í samtali við Feyki á dögunum.
Meðal nýrra þátttakenda eru Mótun plastbátafyrirtæki, Urðarköttur sem framleiðir m.a. græðandi smyrsl úr minkafitu og allmargir frumkvöðlar sem eru að framleiða fjölbreyttar hönnunarvörur.
Heilt yfir segir Sigfús Ingi sýninguna verða með svipuðum hætti og áður, fjölbreytnin sé í fyrirrúmi enda fyrirtækjaflóran á svæðinu ótrúlega fjölbreytt, sem hafi komið bæði heimamönnum og aðkomufólki á óvart á fyrri sýningum.
Samhliða sýningunni fara líkt og áður fram málstofur um fjölbreytt málefni. Má þar m.a. nefna málstofur um rannsóknir og nýsköpun, skapandi greinar, þýðingu héraðsfréttamiðla fyrir landsbyggðina, landbúnað, ferðaþjónustu, umhverfismál og fleira.
Að auki verður svið í sýningarsalnum og þar verður sýningin sett á laugardeginum og Sæluvika Skagfirðinga á sunnudeginum. Þar verða jafnframt fjölmörg önnur atriði, m.a. tónlistaratriði og tískusýningar.
„Ávinningur þessarar sýningar fyrir sveitarfélagið er kannski fyrst og fremst sá að sýningin er risastór markaðssetning á Skagafirði og því helsta sem hann hefur upp á að bjóða,“ sagði Sigfús Ingi í samtali við Feyki.
Fleiri fréttir
-
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira -
Þriðji tapleikurinn í röð hjá Tindastólsmönnum
feykir.is Skagafjörður, Íþróttir, Lokað efni 01.06.2025 kl. 16.41Það er eitthvað bras á Tindastólsmönnum í 3. deildinni í knattspyrnu þessa dagana. Eftir fína byrjun á mótinu hafa nú tapast þrír leikir í röð en 5. umferðin var spiluð í gær. Þá héldu Stólarnir í Fífuna í Kópavogi þar sem sterkt lið Augnabliks beið þeirra. Líkt og í Mosó um daginn var fyrri hálfleikur Stólanna slæmur og það fór svo að heimamenn unnu leikinn 4-1. og skutluðu gestunum ofan í neðri hluta deildarinnar. Já og Pétur var á bekknum.Meira -
Benni Gumm kveður Stólana eftir eitt ár í brúnni
feykir.is Skagafjörður, Íþróttir, Lokað efni 31.05.2025 kl. 21.27Í tilkynningu frá körfunknattleiksdeild Tindastóls nú í kvöld segir að deiildin hafi komist að samkomulagi við Benedikt Guðmundsson um að hann haldi ekki áfram þjálfun meistaraflokks karla hjá félaginu. „Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni,“Meira -
„Það er gaman að takast á við eitthvað nýtt og spennandi“
feykir.is Skagafjörður, Mannlíf, Lokað efni 31.05.2025 kl. 19.25„Sko, það er smá saga að segja frá því. Ég er búinn að vera með Norðurslóðablæti frá því ég var púki vestur á Fjörðum og heyrði í veðurfréttum veðurskeyti frá Narsarsuaq á Grænlandi og fannst eins og það hlyti að vera draumastaður. Sem reyndist svo ekki vera, hef komið þar nokkrum sinnum,“ segir Magnús Hinriksson sem svona hversdags er starfsmaður Skagafjarðarveitna en leiðsögu- og ævintýramaður þegar færi gefst. Feykir hnusaði örlítið á Facebook og sá myndskeyti frá Magga nú nýlega þar sem hann var staddur í nágrenni við ísbirni á Svalbarða. Það var því bara eðlilegt að spyrja kappann hvað hann sé eiginlega að pæla og hvernig standi á þessu brölti í nágrenni Norðurpólsins.Meira -
Viðburðasumarið hafið á Norðurlandi vestra
feykir.is Austur-Húnavatnssýsla, Listir og menning, Mannlíf, Lokað efni 31.05.2025 kl. 16.34Það er útlit fyrir viðburðaríkt sumar á Norðurlandi vestra í sumar og má segja að viðburðasumarið hafi hafist nú um helgina. Á Blönduósi er Prjónagleðin að rokka og víða er sjómannadagurinn haldinn hátíðlegur en þó óvíða að jafn miklum myndarskap og á Skagaströnd Á viðburða- og dagskrársíðu Feykis má sjá að undibúningur er kominn á fullt fyrir hátíðahöld sumarsinsMeira
