Loftgæði í ráðhúsi Húnaþings vestra langt undir viðmiðum
Húnahornið segir frá því að á fundi umhverfis-, veitu og framkvæmdaráðs Húnaþings vestra hafi á dögunum verið farið yfir loftgæðaathugun sem gerð var í Ráðhúsi sveitarfélagsins. Niðurstöður sérfræðinga sýna alvarlegt ástand í kjallara og á fyrstu hæð hússins.
„Þar mælast loftgæði langt undir viðmiðum og benda til verulegrar mengunar sem krefst frekari rannsókna og úrbóta. Loftgæði á efri hæð ráðhússins virðast innan marka, þó sérfræðingar telji þörf á nánari skoðun til að tryggja að þar sé ekki falin uppspretta vandans.“
Lagði ráðið til að starfsemi ráðhússins verði flutt tímabundið úr húsinu á meðan beðið er eftir niðurstöðum úr frekari rannsóknum og brugðist hefur verið við ábendingum sérfræðinga. Starfsemin verður því flutt í Félagsheimilið Hvammstanga þar til fullnægjandi öryggi og loftgæði hafa verið tryggð í ráðhúsinu.
Fleiri fréttir
-
Fyrsti dagur í sköfun
feykir.is Skagafjörður, Austur-Húnavatnssýsla, Vestur-Húnavatnssýsla 06.10.2026 kl. 08.56Feykir ætlar kannski ekki að sverja fyrir að þessi staðreynd eigi við allsstaðar á Norðurlandi vestra en í það minnsta á Króknum þá var morguninn það kkaldur og bjartur að flestir hafa sennilega þurft að leita að rúðusköfunni áður en farið var af stað á bílnum í fyrsta sinn þetta haustið. Nema að sjálfsögðu þeir sem búa svo vel að vera á bíl sem hitar upp sæti og afhéla rúður áður en bíllinn er settur í gang.Meira -
Endurhæfingarsundlauginni lokað
feykir.is Skagafjörður, Fréttir, Lokað efni 05.10.2026 kl. 15.40Þær fréttir hafa verið á kreiki að endurhæfingarsundlaugin í sjúkraþjálfunarálmu heilbrigðistofnunar Norðurlands á Sauðárkróki verði lokað á næstunni. Fólki sem notað hefur laugina er nokkuð brugðið og er það talsvert stór hópur.Meira -
Hólaneskirkja á Skagaströnd fékk fallega gjöf
feykir.is Austur-Húnavatnssýsla, Mannlíf 05.10.2026 kl. 14.52Í skilaboðum á Facebook-síðu Hólaneskirkju á Skagaströnd er sagt frá því að Birgir Már Friðriksson hafi komið færandi hendi í sunnudagaskólann í kirkjunni síðastliðinn sunnudagsmorgun.Meira -
Haustþing SSNV samþykkti sjö ályktanir um hagsmunamál landshlutans
feykir.is Skagafjörður, Austur-Húnavatnssýsla, Vestur-Húnavatnssýsla 05.10.2026 kl. 14.39Tíunda haustþing Samtaka sveitarfélaga á Norðurlandi vestra (SSNV) var haldið á Hótel Laugarbakka í Húnaþingi vestra fimmtudaginn 1. október. Á heimasíðu SSNV segir að á þinginu voru samþykktar sjö ályktanir um málefni landshlutans, fjárhags- og starfsáætlun samtakanna fyrir árið 2027 og breytingar á samþykktum SSNV. Mæting þingfulltrúa var 88%.Meira
