Margt að gerast á Laugarbakka
Það er margt um að vera á Laugarbakka í Húnaþingi vestra í sumar. Grettishátíð er árviss viðburður, Spes sveitamarkaður opnar 17. júní í Grettisbóli, þar sem einnig má skoða listaverkasýningu og Handverkshúsið Langafit hefur stækkað og aukið úrvalið.
Grettisból á Laugarbakka er, ef svo má að orði komast, síðasti áfangastaður Grettis sterka Ásmundssonar, útlagans sem fæddist á Bjargi í Miðfirði árið 996 og lést í Drangey á Skagafirði 39 árum seinna eftir áratuga svaðilför um innan lands sem utan. Í Grettisbóli svífur andi Grettis yfir vötnum. Grettishátíð hefur fest sig í sessi með aflraunakeppni, sögustund og menningarviðburðum, sem á einn eða annan hátt gera Grettissögu góð skil.
Grettisbók er leikvangur og húsnæði í eigu Grettistaks, verkefnis sem stuðlar að sögutengdri ferðaþjónustu. Nánar má fræðast um það á vefsíðu verkefnisins. Þessa dagana standa yfir lagfæringar á Grettisbóli, þar sem meðal annars er verið að setja upp ný salerni. Þá verður söluaðstaðan lagfærð og sölupláss aukið. Einnig er að fara af stað vinna á útivistarsvæði þar sem bætt verður við leiktækjum í anda víkinga og sett upp tjöld . Þá er stefn á aukna stafsemi á útisvæði með starfsmanni og námskeiðum fyrir börn.
Eins og síðustu ár verður Spes-sveitamarkaður rekinn í Grettisbóli í sumar. Markaðurinn opnar 17. júní og stendur fram til 18. ágúst. Opið er alla daga frá kl. 12-18. Handverk og matvæli, framleiðsla bænda og sjómanna er til sölu á markaðnum. Handverkið er sérvalið og vandað. Jurtalitað band, unglambaskinn, áhöld úr horni, hálsmen úr hrosshófum og margt fleira er meðal þess sem þar er til sölu.
Auk þess að vera sölustaður svæðisbundinnar framleiðslu er Grettisból einnig sýningarstaður, en þar er myndasyrpan „Ár og kýr“ eftir Jón Eiríksson, bónda á Búrfelli, til sýnis. Um er að ræða 365 kúamyndir sem Jón útfærði á sinn einstaka hátt. Höfðar sýningin jafnt til ungar sem aldinna.
Á Laugarbakka er einnig rekið handverkshúsið Langafit. Þar er boðið upp á fjölbreytt handverk, kaffi og kökur, ís og töfrandi stemmingu. Umfangsmiklar breytingar hafa verið gerðar á rekstrinum. Staðurinn hefur hækkað og er auk handverks fullur af allskonar skemmtilegum hlutum.
Kennimerkið Gæði úr Húnaþingi - local quality er að líta dagsins ljós. Í rúmt ár var undir stjórn Spes sveitamarkaðar og handleiðslu SSNV atvinnuþróunar unnið að viðmiðum, hönnun merkis o.fl. Haldin var samkeppni um kennimerkið sem Birgir Þór Þorbjörnsson sigraði. Merkið un prýða vörur úr Húnaþingi vestra sem að öllu eða mestu leyti eru unnar í höndum, byggja á hráefni svæðisins þar sem því verður komið við og taka mið af verkþekkingu svæðisins. Grettistak og Langafit eru meðal þeirra aðila sem eiga þátt í þróun merkisins.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
