Niðurskurði vegna riðu á Vatnshóli lokið
Síðari hluti niðurskurðar á Vatnshóli fór fram í gær en eins og sagt hefur verið frá greindist riða á bænum fyrr á árinu en þar voru um 925 fjár. Á heimasíðu Matvælastofnunar segir að niðurskurðurinn og flutningur hafi gengið vel og samkvæmt áætlun.
Eins og fram kom í fréttum sl. föstudag varð óhapp við flutning hræja úr fyrri niðurskurði til brennslu þegar vökvi hafði slest upp úr gámunum á þjóðvegi nr. 1 í Borgarfirði. Í seinni flutningnum voru úrbætur gerðar til að koma í veg fyrir að slíkt óhapp endurtæki sig og segir á heimasíðu MAST að meðal annars hafi flutningurinn farið fram strax að lokinni aflífun á fénu og minna magn sett í hvern gám.
„Smithætta af völdum þess vökva sem barst á þjóðveginn í síðustu viku er lítil að mati Matvælastofnunar, m.a. vegna árstíma og að ekkert fé er á beit auk þess sem þjóðvegur nr. 1 er afgirtur og gott eftirlit er með lausagöngu búfjár á svæðinu. Því er ekki ástæða til að grípa til sérstakra ráðstafana vegna atviksins. Umhverfisáhrif á borð við sólarljós, hita og kulda á víxl óvirkja smitefnið. Fólki stafar ekki hætta af riðusmitefni,“ segir í frétt stofnunarinnar.
Þar kemur einnig fram að Matvælastofnun hafi engan annan kost en að láta flytja allan sóttmengaðan úrgang um langan veg að óbreyttu. Brennslustöðin Kalka, sem staðsett er á Suðurnesjum, er eina brennslustöðin á landinu sem hefur starfsleyfi til að taka á móti og brenna riðuhræjum.
Tengdar fréttir
Óhapp við flutning hræja til brennslu vegna riðu
Nýtt riðutilfelli í Húnaþingi
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
