Norðanátt.is fimm ára í dag
Í dag er vefurinn Norðanátt.is sem er helsta frétta- og upplýsingaveita Húnaþings vestra fimm ára. Það voru þær Kristín xx og Aldís Olga Jóhannesdóttir sem fengu hugmyndina að vefnum árið 2007 og komu honum í loftið árið eftir, og var þá önnur þeirra í Danmörku en hin á Bifröst. Í dag sér Aldís Olga um vefinn og nýtur til þess dyggrar aðstoðar fjölskyldmeðlima, en sjálf segir hún svo frá á vefnum í dag:
Kristín Guðmundsdóttir var með þá flugu í hausnum að setja á fót vefmiðil fyrir Húnaþing vestra og fékk mig til liðs við sig. Okkur fannst það greinilega ekkert tiltökumál að Kristín var staðsett í Danmörku og ég á Bifröst, s.s. báðar utan þjónustusvæðis.
Svo kom árið 2008. Munið þið hvað gerðist 2008? Við minnumst þess árs auðvitað fyrir þær sakir að Norðanátt.is fór í loftið. Það var nú ekki það eina sem gerðist á því herrans ári. Allt í kringum Húnaþing vestra virtist hver ísbjörninn á fætur öðrum nema land, annað bindi af Sögu Hvammstanga kom út, afleggjarinn að Laugarbakka færðist til og Lexía kom aftur saman á Húnavöku. Þvílíkt undraár!
Á opnunardeginum vorum við agalega lukkulegar með þetta verk okkar.. í sitthvoru landinu. Markmiðið með þessu var að koma þessu svæði enn betur á kortið og vera upplýsandi og jafnvel skemmtandi fyrir íbúa svæðisins og aðra áhugasama. Sumt hefur tekist og sumt ekki. Það er eins og stundum vill verða. Kveðjuhornið er eitt af því sem gekk kannski ekki alveg, sem og smáauglýsingarnar. Í dag leggjum við mesta áherslu á að vera með hinar ýmsu fréttir, tilkynningar og myndir frá mannlífinu. Það er eitt og annað sem er á döfinni að laga til og gerist það með tíð og tíma.
Umsjón vefmiðilsins hefur líka breyst á þessum fimm árum. Á árinu 2010 snéri Kristín Guðmundsdóttir til annarra verka og ég flækti ýmsa fjölskyldumeðlimi með í þetta ævintýri. Í dag er ritstjórnin í mínum höndum og hef ég fengið stórkostlega aðstoð í fréttaöflun hjá systur minni, Huldu Signý Jóhannesdóttur, og foreldrum, þeim Jóhannesi Ragnari Jóhannessyni og Kristbjörgu Sigurnýasdóttur. Það er ekki eina aðstoðin, því það er svolítið flókið mál að vera með nefið ofaní öllu sem mögulega gæti eða hefur gerst. Sérleg aðstoð berst frá lesendum vefsins sem senda inn fréttaefni og tilkynningar. Það er einmitt þannig sem við viljum að þetta virki, að fólk hjálpist að við að upplýsa um allt það gleðilega er við kemur Húnaþingi vestra."
Feykir óskar Norðanátt.is til hamingju með daginn og þakkar gott samstarf.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
